S.E.Nino Pereira oras ne’e dadaun nu’udar Ministru Komérsiu no Indústria no nu’udar joven lider polítiku, Akademista, Artista no Ativista.

Durante períodu rezisténsia, S.E. Nino Pereira ho estudante timoroan sira ne’ebé estuda iha Indonézia partisipa iha manifestasaun oioin luta ba ukun rasik-an hahú iha tinan 1992. Iha tinan 1995, S.E. Nino Pereira envolve organizasaun Rezisténsia Nasionál Estudante Timoroan (RENETIL) nu’udar membru kartaun-na’in ho naran kódigu PREGU. Iha loron 7 fulan Dezembru tinan 1995, partisipa iha manifestasaun iha Embaixada Rusia iha Jakarta hodi ezije referendum ba Timor-Leste no libertasaun ba Maun Boot Kay Rala Xanana Gusmão. Iha tinan 1997, nia eleitu nu’udar responsável prinsipál RENETIL nian iha UNER LALIKA Malang no iha tinan ne’e kedas envolve iha manifestasaun hodi ezije referendum, kondena brutalidade militár hosi rejime Jakarta nian, no ezije libertasaun ba Maun Boot Kay Rala Xanana Gusmão iha rejime Soeharto nia okos . Iha loron 24 fulan Marsu tinan 1997 manifestasaun akontese iha Embaixada Australia iha Jakarta. Konsekuensia husi manifestasaun hirak ne’e, S.E. Nino Pereira ho nia kolega estudante sira hetan kaer no lori ba Polda Metrojaya iha Jakarta.

Ho espíritu ukun rasik an, S.E. Nino Pereira hamutuk ho líder estudante rezisténsia universitáriu sira seluk transforma organizasaun IMPETTU sai forsa rezisténsia iha tinan 1998 no S.E. Nino Pereira hetan konfiansa hodi lidera DPP IMPETTU nian nu’udar Sekretáriu Jerál. Iha inísiu tinan 1999, organiza ekipa hodi estabelese eskritóriu RENETIL no IMPETTU nian iha Dili hodi fó apoiu ba atividade kampaña Referendu. Nia mós membru hosi Komité Planeamentu no Koordenasaun Kampaña nian (CPCC). Iha fulan Jullu 1999, nia ba Washington DC USA, ho Timor oan sira seluk hodi partisipa iha enkontru ho Banku Mundial. Hafoin vota ba Referendu, iha tinan 1999 S.E. Nino Pereira, halo kampaña iha Japaun hasoru violénsia husi militár no milísia Indonézia nian. NIA. Nino Pereira hanesan mos fundador Presidium Juventude Lorico Asswa’in(PJLA) no Concelho Nacional Juventude Timor-Leste(CNJTL).

Iha tinan 2000-2001 durante períodu UNTAET, S.E. Nino Pereira ho Padre Filomeno Jacob iha momentu ne’eba nu’udar Ministru Edukasaun, lidera ekipa ida husi DPP IMPETTU dirije ba Indonézia hodi halibur dadus husi estudante universitáriu Timor-Leste, no konsege haruka fila povu 1500 hodi kompleta sira nia estudu iha Indonézia. Iha tempu ukun-an, nia hala’o knaar nu’udar Vise Ministru Komérsiu, Indústria no Ambiente iha loron 10 Agostu 2015, no remata iha Outubru 2017. Antes ne’e, S.E. Nino Pereira hala’o kna’ar nu’udar Sekretáriu Estadu Indústria no Kooperativa iha Ministériu Komérsiu, Indústria, no Ambiente (MCIA) hahú husi Agostu 2012 to’o Fevereiru 2015.

Iha loron 10 fulan Juñu tinan 2001, S.E. Nino Pereira hamutuk ho Fernando de Araújo no Mariano ASSANAMI harii Partido Democrático (PD). Agora daudaun S.E. Nino Pereira hetan konfiansa hodi sai Ministru Komérsiu no Indústria (MCI) iha Governu Konstitusionál da-IX ne’ebé lidera hosi Maun Boot Kay Rala Xanana Gusmão, ne’ebé simu pose iha loron 1 fulan-jullu tinan 2023.

Profisaun seluk, S.E. Nino Pereira nu’udar dosente iha Fakuldade Ekonomia iha UNTL no UNPAZ. Ninia karreira nu’udar dosente hahú iha tinan 2001 iha Fakuldade Ekonomia iha UNTL, ho ninia pozisaun ikus nu’udar Xefe Departamentu Ekonomia Siénsia & Estudu Dezenvolvimentu no Xefe Redasaun ba revista sientífika VERITAS iha UNTL. Durante nia tempu hanesan dosente, iha tinan 2004 nia partisipa iha formasaun lideransa iha Bangkok Tailándia, no iha tinan 2006 nia mós partisipa iha kursu ida kona-ba peskiza iha Institutu Malázia ba Peskiza Ekonómika (MIER). Iha tinan 2007, S.E. Nino Pereira simu kna’ar nu’udar Xefe Gabinete iha Sekretáriu Estadu Juventude no Desportu to’o 2012. Nia iha mestradu iha jestaun rekursu umanu no lisensiatura iha ekonomia dezenvolvimentu husi Universidade Merdeka iha Malang, Indonézia. NIA. Nino Pereira, koñesidu ho naran S.E. Nino, moris iha loron 10 fulan Abril tinan 1974, iha Dili, husi inan-aman Francisco Soares Pereira no Catarina Nuhan Pereira. Remata nia estudu iha Ensinu Báziku (SD Negeri III) Bidau Dili, Ensinu Pre-Sekundáriu (SMP Negeri I) Dili, no Ensinu Sekundáriu (SMA Negeri I) Dili. Formasaun ba funsionario MCI tste

Ministru Komérsiu no Indústria

Númeru Telefone Ofisiál :(+670)77953117

E-mail : filipus.pereira@timor-leste.gov.tl