S.E. AUGUSTO JÚNIOR TRINDADE, atualmente ne Vise Ministru Komerciu no Industria, uluk hanesan mos ativista politiku e membru Resistensia Nasional Estudante Timor-Leste (RENETIL).
Iha tinan 1993 to’o 1999, Nia lidera ba organijasaun IMPETTU iha provinsia Java Oriental, Indonesia, ne’ebe desempeña papel fundamental iha mobilijasaun estudante timorense sira nu’nee participa ba referendu independensia Timor-Leste nian. Nia papel destaka hanesan manifestante ida durante ocupasaun ba instalasaun Ministeriu Relasaun Exterior Indonesia, iha Jakarta, husi estudante timor oan sira iha 1998, hanesan mos dignu nota.
Depois decretu Presidente B.J. Habibie kona ba futuru Timor-Leste, S.E. AUGUSTO JÚNIOR TRINDADE e nia kolega estudante sira retorna mai fali Timor-Leste hodi organija referendu “Ukun Rasik Aan” ba independensia nasional. Nia torna membro CPCC no servisu ativamente ba mobilija populasaun referendu h regiau sira hanesan Oecusse, Bobonaro, Ermera no Liquisa.
Iha tinan 1999 to’o 2000, sai hanesan Xefe Negosiador, lidera conversas ho UNTAET hodi garante estudante timor oan sira bele continua halao estudus iha Indonesia. Depois, assume cargu hanesan Xefe Organijasaun Nasional ba Demokrasia no Paz, nebe promove programas liu-liu iha resolusaun konflitus, demokrasia, paz no rekonsiliasaun.
Entre 2000 no 2006, sai figura xave ida ba kriasaun Partidu Demokratiku (Partidu PD). Durante periudu ida ne’e, Nia mos servisu hanesan Jerente Assuntus Microfinansas iha organijasaun internacional Christian Children’s Fund no ocupa posisaun hanesan iha AMCAP (Programa Ativasaun Ainaro, Manatuto, Covalima).
Iha primeiru mandatu Presidente José Ramos-Horte (2007-2012), S.E. AUGUSTO JÚNIOR TRINDADE sai hanesan Acessor ba Combate Pobreja no Prevesaun Konflitus, desenpeña papel fundamental iha implementasaun programa Presidente hodi estabelece Dili hanesan “Cidade da Paz”, sede Palácio da Cinzas, iha Kaikoli, Dili.
Iha tinan 2012 to’o 2017, durante quintu Governo Konstitusional, S.E. AUGUSTO JÚNIOR TRINDADE sai hanesan Acessor ba Assuntus Industriais no Kooperativas Sekretariu Estadu Industrias no Kooperativas, S.E. Sr. Filipus Nino Pereira. Iha tinan hanesan, Nia mos acessor Ministrus Assuntos Sociais no Edukasaun iha monitoramento no supervisaun ba programa merenda escolar.
Iha tinan 2018 to’o 2021, Nia atua hanesan Presidente Centru Logistiku Nasional (CLN).
Iha 2022, durante segundu mandato Presidente José Ramos-Horta, S.E. AUGUSTO JÚNIOR TRINDADE sai nomeadu ba Acessor ba Questões Estratégicas relacionado ba desenvolvimentu industria ba café iha Timor-Leste.
Numeru Telefone Ofisial: +670 77953146
E-mail Ofisial : augusto.trindade@timor-leste.gov.tl