Dili, 29 Outubru 2024

Sua exelénsia Ministru Komérsiu no Indústria 𝐒𝐫. 𝐍𝐢𝐧𝐨 𝐏𝐞𝐫𝐞𝐢𝐫𝐚 hamutuk ho ekipa husi Diresaun Nasional Regulasaun Komersial no Protesaun Konsumidores, halo inspesaun ba loja sira iha kapital Dili hodi observa folin sasan nessesidade basiku sira iha ambitu hasoru loron finado.

Ministru Nino Pereira enkoraja ba setor privadu no Loja nain sira atu kontinua servisu hamutuk hodi labele manipula sasan folin sira atu nune labele prejudika konsumidor sira ne’ebe nia kapasidade kompras naton.

“Halo inspesaun ida ne’e atu akompaña flutuosaun ba presu sasan nessesidade baziku ne’ebe maka loja ka retallu sira ne’ebe faan iha Dili laran, tamba agora ita dehan katak besik ona Loron bo’ot dala-ruma mos sasan presu bele sa'e, maibe ohin ita observa katak presu sasan normal, ita nia empresariu sira ne’ebe faan sasan sira nemos sira la halo manipulasaun ba presu sasan, tamba Lukru ne’ebe maka sira hetan mos iha 25cen no 50cen ho dolar 1, liuliu maka hanesan foos ne’e, Ezemplu hanesan, 25kg ho marka ne’ebe oioin kualidade ne’ebe maka diferente, balun faan dolar 13 ba fali 13.50cen agora ho ida 25kg nemos ho marka kualidade ne’ebe maka oioin, ho kualidade diak sira sosa ho presu dolar 16, sira faan dolar 17 ita hare katak presu ne’ebe maka normal laiha lukro maka hakat liu husi standar ne’ebe maka ita tau iha presu kusto katak, presu ne’e sei normal”_dehan Ministru

Iha inpesaun ba loja no retallu sira ne’ebe faan iha Dili laran, Ministru ho ekipa nota katak sasan folin la’o normal maibe fo hanoin ba loja nain sira, atu arma sasan tuir nia fatin no kria ambiente ne’e mos iha loja laran.

_Remata