Dili, 18 Novembru 2024

Ministériu Komérsiu no Indústria (MCI) liuhusi diresaun Jeral Komérsiu kopera hamutuk ho Diresaun Jeral asuntu ASEAN- Ministériu Negosiu Estranjeiru no Koperasaun (MNEC) no Koordenador Jeral- Ministériu Koordenador Asuntu Ekonomiku (MECAE) organiza treinamentu kona-ba Instrumentu Legais Iha Komunidade Ekonomia ASEAN No OMK iha salaun enkontru MNEC, Dili.

Objetivu husi treinamentu ne’e, hodi hasa’e koñesimentu klean kona-ba progressu implementasaun roteiru (road map) adezaun Timor-Leste ba ASEAN iha pilar ekonomia no instrument legais kona-ba; ATIGA (ASEAN Trade In Goods Agreement), AFAS-ATISA (ASEAN Framenwork Agreement in Services- ASEAN Trade In Services Agreement, ACIA (ASEAN Comprehensive Investment Agreement) no instrument legais iha organizasaun mundial komérsiu (OMK) ba funsionáriu sira iha Diresaun Jeral komérsiu MCI.

Iha abertura Ministro Nino Pereira hateten, liuhusi programa treinamentu ne’e atu aprofunda diak liutan koñesimentu no kompriensaun ba enkudramentu Legais ASEAN no OMK nian.

 

“Ohin loron ita marka etapa ida que importante ba Timor-Leste nia jornada liu-liu MCI hodi aprende no utiliza diak liu tan enkuadramentu Legais baziku ne’ebe suporta Timor-Leste nia integrasaun komunidade ekonomiku ASEAN no OMK, objetivu prinsipal husi programa treinamentu atu foka ba Instrumentu Legais, sujeitu ba komunidade ekonomiku ASEAN no vizaun estratejiku post adezaun OMK atu aprofunda liutan Timor-Leste nian koñesimentu no kompriensaun ba enkudramentu ASEAN no OMK nomos atu hasa’e ita nia kapasidade hodi lori ita nia koñesimentu ba asesu benifisiu husi integrasaun ekonomiku rejional no global”_afirma Ministru MCI

MCI iha kompriensaun klaro kona-ba enkudramentu legais iha kontestu ASEAN no OMK ne’ebe sai hanesan baze fundamental hodi kria funsadasaun ne’ebe solidu ka hametin politika no pratika ekonomia no komersiu hanesan membru pleno ba OMK nomos prosesu adezaun ba ASEAN. Liuhusi intrumentu ida ne’e nia meta maka atu asegura MCI nian funsionáriu tékniku sira, bem preparado, no iha esperiénsia nomos komprende no implemeta politika regulamentu standarizasaun, obrigasaun no kompromisu ne’ebe hatu’ur ona iha ASEAN no OMK.

Iha fatin hanesan SE Vise-Ministra Asuntu ASEAN, Sra Milena Rangel apresia no agradese ba inisiativa husi treinamentu ne’e no husu atu kontinua hodi bele partilla no koñese diak liutan kona-ba prosesu adezaun nian.

Entertantu treinamnetu refere hala’o durante loron 5, no partisipa iha abertura treinamentu ne’e SE Vise-Ministra Asuntu ASEAN, Sra Milena Rangel, Diretur Jeral asuntu ASEAN MNEC, Diretur Executivo Trade Invest, Diretur Geral, Diretur Nasional, Diretur Munisipiu, funsionáriu husi MCI no MECAE, reprezentante husi parseiru dezenvolvimentu, nomos asesór sira.

_Remata