𝐌𝐢𝐧𝐢𝐬𝐭𝐫𝐮 𝐧𝐨 𝐕𝐢𝐬𝐞-𝐌𝐢𝐧𝐢𝐬𝐭𝐫𝐮 𝐡𝐚𝐥𝐚’𝐨 𝐞𝐧𝐤𝐨𝐧𝐭𝐫𝐮 𝐡𝐨𝐝𝐢 𝐚𝐯𝐚𝐥𝐢𝐚 𝐬𝐞𝐫𝐯𝐢𝐬𝐮 𝐂𝐓𝐓

Dili, 10 Marsu 2025

Sua Exelénsia, Ministru Komérsiu no Indústria, Sr. Nino Pereira, no Sua Exelénsia, Vise-Ministru Komérsiu no Indústria, Sr. Augusto Júnior Trindade, hala’o enkontru ho Core Trade Team (CTT) iha salaun enkontru MCI, iha Fomento Mandarin, Dili.

Enkontru ne’e ho objetivu atu atualiza no avalia dezempeñu ekipa CTT nian, aleinde fó orientasaun atu sira bele akompaña nafatin enkontru sira ne’ebé relasiona ho prosesu adezaun Timor-Leste nian ba ASEAN.

Iha sorumutu ne’e, ekipa CTT hato’o preokupasaun balun relasiona ho ninia atividade sira, hodi destaka asaun sira ne’ebé hala’o tiha ona no propoin medida sira hodi hametin no hadi’a servisu sira ne’ebé presta ona.

Ekipa Komérsiu Sentrál (CTT) harii hosi Ministériu Komérsiu no Indústria (MCI) iha Outubru 2024, ho objetivu atu hasa’e kualidade servisu no prepara Timor-Leste ba adezaun ba ASEAN.