𝐀𝐂𝐂𝐈𝐎𝐍𝐀 𝐡𝐚𝐭𝐮𝐝𝐮 𝐢𝐧𝐭𝐞𝐫𝐞𝐬𝐞 𝐚𝐭𝐮 𝐢𝐧𝐯𝐞𝐬𝐭𝐞 𝐢𝐡𝐚 𝐓𝐢𝐦𝐨𝐫-𝐋𝐞𝐬𝐭𝐞

Dili, 12 Marsu 2025

Sua Exelénsia, Vise-Ministru Komérsiu no Indústria, Sr. Augusto Júnior Trindade, hetan vizita kortezia husi reprezentante ACCIONA, iha Gabinete Vise-Ministru, iha Fomento Mandarin, Dili.

Iha enkontru ne’e, Diretór ACCIONA aprezenta empreza ne’e ba Vise-Ministru, hodi destaka katak hanesan empreza globál ho sede iha Madrid no prezensa iha nasaun 40, iha ne’ebé mantein eskritóriu operasionál sira.

ACCIONA hatudu ona interese boot atu investe iha setór kaptura no armazenamentu karbonu iha Timor-Leste. Kompañia iha intensaun atu envolve ho parte interesada xave sira hodi aprezenta nia-an, hametin parseria estratéjiku sira no esplora oportunidade sira ba investimentu no kolaborasaun iha futuru.