Funsionáriu MKI Hasae Koñesimentu Iha Peskiza

Kuarta-feira, 12 Marsu 2025.

Ministériu Komérsiu no Indústria liuhosi Gabinete Kooperasaun Parseria no Reforma organiza treinamentu ba funsionáriu sira hodi hasae sira-nia koñesimentu tékniku iha area peskiza. Programa formasaun ida-ne'e realiza iha salaun JICA nian, iha Dili.

Treinamentu ida-ne'e hala'o tanba iha kooperasaun ho Ajensia Japonés ba Kooperasaun Internasionál (Sigla Ingléz - JICA), ho objetivu prinsipál maka atu eleva partisipante sira nia abilidade no koñesimentu iha dezeña no hala’o peskiza inklui análize ho efetivu iha atividade levantamentu dadus ba Planu Asaun Manufatureira iha Timor-Leste.

Entaun formasaun ida-ne'e ajuda hasa'e kompriensaun kona-ba paizajen fábrika lokál, identifika dezafiu no oportunidade xave sira, no oinsá atu foti desizaun estratéjiku.