𝐌𝟐𝐓 𝐀𝐩𝐫𝐞𝐳𝐞𝐧𝐭𝐚 𝐬𝐢𝐫𝐚-𝐧𝐢𝐚 𝐏𝐫𝐨𝐝𝐮𝐭𝐮 𝐧𝐨 𝐏𝐥𝐚𝐧𝐮 𝐍𝐞𝐠ó𝐬𝐢𝐮

Dili, 14 Marsu 2025

Iha sexta feira semana ne'e empreza M2T Unip.Lda hala’o reuniaun ho Ministru Komérsiu no Indústria, Sr. Nino Pereira, iha ninia gabinete, hodi aprezenta sira-nia produtu no hato'o mós sira-nia planu negósiu.

Empreza M2T buka hela apoiu finanseiru no mós rai atu instala sira-nia fatin produsaun, tanba sira hanoin atu hasa’e sira-nia kapasidade produsaun maibé sira hasoru problema kona-ba rai no mós orsamentu.

Ministru Nino Pereira hatete, Governu kontinua hala'o nia papél atu suporta no fasilita setór privadu iha prosesu dezenvolvimentu ekonómiku.

"Ita sei buka dalan, karik iha apoiu ruma husi ita-nia Ministériu . Ita mós agradese ba buat ne’ebé empreza ne’e kria ona durante ne’e. Empreza ne’e ita-nia joven sira maka hari’i iha ita nia rain". Dehan Ministru.

Iha enkontru ne’e akompaña hosi ekipa M2T Unip.Lda, no mós Koordenador GCPeR.