𝐑𝐄𝐔𝐍𝐈𝐀𝐔𝐍 𝐊𝐎𝐌𝐈𝐒𝐀𝐔𝐍 𝐈𝐍𝐓𝐄𝐑𝐌𝐈𝐍𝐈𝐒𝐓𝐄𝐑𝐈Á𝐋 𝐁𝐀 𝐏𝐑𝐄𝐏𝐀𝐑𝐀𝐒𝐀𝐔𝐍 𝐉𝐎𝐆𝐔 𝐂𝐏𝐋𝐏

Dili, 14 Marsu 2025

Timor-Leste sei organiza eventu desportivu ba nasaun membru CPLP iha Dili, iha fulan Jullu tinan ne’e.

Komisaun interministeriál ba preparativu Jogu Desportivu CPLP 2025, Sexta-Feira ne'e hala'o reuniaun ba da-huluk, hodi diskute preparasaun ba atividade sira ne'ebé halo ona no sei halo hodi organiza eventu ne’e rasik.

Ministru sira husi institusaun relevante partisipa iha reuniaun ne'e no sorumutu ne’e lidera husi Ministru Juventude Desportu Arte no Kultura (MJDAK), Súa Esélensia, 𝗡é𝗹𝘆𝗼 𝗜𝘀𝗮𝗮𝗰 𝗦𝗮𝗿𝗺𝗲𝗻𝘁𝗼, akompaña husi Sekretáriu Estadu Arte no Kultura (SEAK), Súa Esélensia, 𝗝𝗼𝗿𝗴𝗲 𝗦𝗼𝗮𝗿𝗲𝘀 𝗖𝗿𝗶𝘀𝘁𝗼𝘃ã𝗼, nu'udar koordenador jeral ba Jogu CPLP, partisipa maximu mós husi liña interministeriál sira ne'ebé involve iha komisaun ba eventu Jogu refere. Atividade reuniaun ne'e hala'o iha Salaun CCD (Centro de Convenções de Díli).