𝐃𝐄𝐙𝐄𝐍𝐕𝐎𝐋𝐕𝐄 𝐄𝐊𝐎𝐍𝐎𝐌𝐈𝐀 𝐋𝐎𝐊𝐀𝐋 𝐇𝐎𝐃𝐈 𝐇𝐀𝐅𝐎𝐑𝐒𝐀 𝐒𝐔𝐒𝐓𝐄𝐍𝐓𝐀𝐁𝐈𝐋𝐈𝐃𝐀𝐃𝐄

Ataúro, 02 Agostu 2025- Ministru no Komérsiu no Indústria Sr. Nino Pereira sábadu fim de semana ne’e partisipa iha feira “𝘗𝘳𝘰𝘥𝘶𝘵𝘶 𝘓𝘰𝘬𝘢𝘭 𝘕𝘰 𝘈𝘳𝘵𝘦𝘻𝘦𝘯𝘢𝘵𝘶” ne’ebe organiza husi Igreja Evangélica das Assembleia de Deus (IEAD) iha rejiaun IV Ataúro hodi komemora loron Nasional Feto ho tema “Feto Matenek.”

Iha biban ne’e Ministro Nino Pereira hateten liuhusi feira ne’e, bele fo koñesimentu produtu Timor-Leste ba mundu.

“Ita koa’lia kona-ba produtu lokal, oinsa maka ita bele dezenvolve ida ne’e, sai hanesan produtu original ida hodi reprezenta identidade ba ita nia nasaun, nomos ba ita nia munisípiu, hodi fo koñesimentu ba mundu liuhusi promosaun sira ne’ebe maka ita halo.” Ministro MCI(Ataúro,2/08/25)

“ Ita kontinua dezenvolve ida ne’e, sai hanesan esforsu kolektivu hodi haforsa ita nia familia, haforsa ita nia komunidade nomos haforsa diak liu tan ita nia estadu, feto forte nasaun forte.” tenik Ministo Nino

Feira ne’e demonstra Produto Agrikola, produtu homan, kulinaria nomos produtu tasi hodi selebra Loron Nasional Feto Igreja Evangélica das Assembleia de Deus (IEAD)