DNM-Reuniaun Koordenasaun ba Eventu Business Forum & Business Exhibition iha Singopore 2024

Publika husi: Departamento de Média e Tecnologias de Informação e Comunicação (DNM)

Dili, Sala Reuniaun Gabinete Ministru MCI, [01/10/2024]-Diretur Nasional Marketing Sr. Miguel de Carvalho Soares, realiza reuniaun ho Seitor Privado sira konaba partisipasaun Governu Timor-Leste iha Eventu Business Forum & Business Exhibition iha Singopore, neebé mak sei realiza iha loron 02 fulan Dezembro tinan 2024, lokaliza iha Calymor Ballroom at Pan Pacific, Orchard-Singapore.

Iha âmbitu hodi komemora loron Nasional Proklamasaun Indepedensia RDTL, 28 Novembro tinan ne’e ba dala-49 iha Singapore, Embaixador Timor-Leste ba Singapore hamutuk ho TradeInvest and Supported by the Singapore Manufacturing Federation (SMF), organiza eventu Forum Business & Business Exhibition iha Singopore 2024. Eventu ne’e hakarak mos atu envolve Seitor Privadu sira Timor-Leste nian hodi partisipa no promove produtu potensial sira Timor-Leste nian. Ho nune’e Embaixador Timor-Leste ba Singapore koordena ho Ministériu Komércio e Indústria (MCI), faslita koordenasaun ho Seitor Privadu sira atu bele partisipa iha eventu ne’e.

Eventu ne’e hanesan oportunidade diak mai Timor-Leste neebé hola parte mos nuudár Co-orgaizadora, nune’e parte Ministériu liu husi Diresaun Nasional Marketing (DNM) konvida Seitor Privadu sira ne'ebé mak hala’o atividade produsaun produtu potensial orgániku sira atu bele iha prontidaun no posibilidade hodi promove produtu Timor nian ba iha eventu internasional refere.

Remata_