Kargu dirijente nain rua husi Ministeriu Komérsiu no Indústria simu posse nu’udar subinspetor do Gabinete no Diretor da Unidade de servico MCI nian iha Munispiu Laútem hodi haforsa servisu Ministériu nian iha baze. S.E , Ministru Komérsiu no Indústria, Sr. Nino Pereira iha nian diskurso hateten, ohin kompleta ona estruturalmente ba pozisaun sira ne’ebé maka bazeia ba orgânika MCI nian, iha nivel munisípal inklui nível nasional. Dili,iha loron 07 Outubru 2024

“Ita kompleta ona estrutura ida ne’e iha nivel munisípal inklui mos nível nasional, servisu ida ne’e la’o ho diak tanba ita hotu nia koperasaun no kolaborasaun interministerial liu-liu ho komisaun funsaun publika ne’ebe maka durante ne’e hala’o servisu sira ne’e ho suses. Tomada de posse ohin hatudu nafatin ita hotu nia komitmentu atu a segura servisu profesionalizmu ho nia objetivu ikus maka servi, ita koa’lia kona-ba liafuan sentido, liafuan ne’ebe maka bain-bain ita koa’lia iha tomada de posse tanto iha atividade ofisial nian katak ezizi nafatin ita hotu ne’ebe maka asumi responsabilidade atu hatudu prestasaun kualidade de servisu atu nune’e bele delibera ita nia responsablidade liu-husi juramentu”. Dehan Ministru MKI.

Iha fatin hanesan Prezidente Komisaun Funsaun Publika(CFP) Sr. Agostinho Letencio de Deus, hato’o apresiasaun ba mudansa sira iha MCI no husu ba empossado sira atu hatudu kreatividade no inovasaun hodi mellora instituisaun ne’ebe maka lidera.

“Hanoin katak ho politika IX Governu nian bele oinsa bele kria kampu de trabalho no ami hakarak hato’o apresiasaun ba S.E. Ministru ba mudansa lubuk ida ne’ebé maka ita hare’e ona, ho mudansa sira ne’e hotu ikus mai ita bele iha solusaun ki’ik ida ba iha kampu de traballo ne’ebe nakonu ho administrasaun publika maibe tenki espanda ba iha indústria sira seluk no nafatin husu ita bo’ot sira nia komitmentu atu hal’o servisu ho diak no hatudu inovasaun iha fatin ne’ebe mak hakna’ar an ba’’. Dehan Prezidente CFP.

Serimónia tomada de posse ba kargu dirijente foun rua ne’e, hala’o iha Gabinte Ministru Bebora Dili no partisipa Vise Ministru Komérsiu no Indústria S.E Sr. Augusto Junior Trindade, Prezidente Komisaun Funsaun Publika(CFP) Sr. Agostinho Letencio de Deus, Asesor sira husi MCI, funsionáriu sira inklui familia empossadu.

_𝐑𝐞𝐦𝐚𝐭𝐚