𝐊𝐮𝐚𝐥𝐚 𝐋𝐮𝐦𝐩𝐮𝐫, 𝐌𝐚𝐥𝐚𝐲𝐬𝐢𝐚 𝟐𝟓 𝐎𝐮𝐭𝐮𝐛𝐫𝐮 𝟐𝟎𝟐𝟓

Ministru Komérsiu no Indústria Sr.Nino Pereira ohin partisipa iha enkontru konjuntu ne’ebé konvoka hosi Ministru Negósiu Estranjeiru no Ekonomia ASEAN, hodi ko’alia kona-ba deskobrimentu sira hosi Forsa Tarefa jeoekonómika ASEAN no troka hanoin kona-ba paizajen jeoekonómika global, ne’ebé evolui daudaun.

Iha intervensaun Ministru MCI, hato'o nia apresiasaun sinseru ba Governu Malázia no Prezidente, tanba ba dala-uluk konvida hodi partisipa iha enkontru importante husi Ministru Negósiu Estranjeiru no Ekonómiku konjuntu ASEAN nian.

Ministru Nino reafirma Timor-Leste prontu atu aliña ninia prioridade ba dezenvolvimentu nasionál ho ajenda jeoekonómika koletiva ASEAN nian, no serbisu besik ho Estadu-membru sira, hodi garante katak Komunidade Ekonómika ASEAN reziliente nafatin, kompetitivu no adaptativu nafatin ba mudansa globál sira.