𝐎𝐫𝐬𝐚𝐦𝐞𝐧𝐭𝐮 𝐉𝐞𝐫𝐚𝐥 𝐄𝐬𝐭𝐚𝐝𝐮 𝟐𝟎𝟐𝟔 𝐏𝐚𝐬𝐬𝐚 𝐢𝐡𝐚 𝐉𝐞𝐧𝐞𝐫𝐚𝐥𝐢𝐝𝐚𝐝𝐞 𝐡𝐨 𝐯𝐨𝐭𝐮𝐬 𝐀 𝐅𝐚𝐯𝐨𝐫 𝟒𝟐, 𝐊𝐨𝐧𝐭𝐫𝐚 𝟎, 𝐀𝐛𝐬𝐭𝐞𝐧𝐬𝐚𝐮𝐧 𝟐𝟑

Dili, 07 Novembru 2025

Exelénsia Ministru no Vise-Ministru Komérsiu no Indústria, Sr. Nino Pereira no Sr. Augusto Junior Trindade, kontinua partisipa iha debate bá Projetu Proposta Lei (PPL) no.23/VI (3a) kona-bá Orsamentu Jerál Estadu (OJE) tinan fiskál 2026 faze jeneralidade, ne'ebé aprejenta husi IX Governu Konstitusionál lideradu Primeiru-Ministru (PM), Kay Rala Xanana Gusmão, loron da-tolu iha Parlamentu Nasionál, sexta (07/11/2025).

OJE tinan fiskal 2026 ho montante, biliaun $2.214.689,195 PN liu husi plenária aprova iha faze jeneralidade ho votu a-favór 42, kontra 0 no abstensaun 23 , husi korum iha Deputadu na'in 65.

Tuir kalendariu, loron 10-24 novembru, debate no votasaun iha faze espesialidade nomos votasaun finál globál bá PPL OJE 2026.

Proposta lei OJE 2026 hamutu billiaun $2.214.689,195 ne’ebé fahe ba kategoria saláriu no vensimentu $476.870.249, bens no servisu korrente $447.904.446, transferénsia públika$820.710.160, kapitál menór $32.556.96 no kapitál dezenvolvimentu $436.647.379.