𝐕𝐀𝐋𝐈𝐃𝐀𝐒𝐀𝐔𝐍 𝐍𝐎 𝐊𝐎𝐍𝐒𝐔𝐋𝐓𝐀𝐒𝐀𝐔𝐍 𝐅𝐈𝐍𝐀𝐋, 𝐁𝐀 𝐏𝐋𝐀𝐍𝐔 𝐀𝐒𝐀𝐔𝐍 𝐌𝐀𝐍𝐔𝐅𝐀𝐓𝐔𝐑𝐄𝐈𝐑𝐀

Dili, 13 Novembru, 2025

Ministru Komérsiu no Indústria Sr. Nino Pereira, prezide sesaun abertura ba workshop validasaun final ba planu asaun manufatureira iha City 8, Manleuana Dili.

Objetivu husi workshop ne’e, atu aprezenta planu asaun manufatureira no rezultadu sira husi konsultasaun ho parte interesada sira, asegura komprensaun klaru ba partisipante sira kona-ba proposta asaun, prioridade no razaun husi planu ne’e no reafirma planu asaun manufatureira nu’udar instrumentu polítiku ba dezenvolvimentu setór manufatureira nian.

Iha diskursu Ministru Nino Pereira, apresia ba kooperasaun ho JICA ne’ebé fó asisténsia hodi halibur hamutuk atu valida planu asaun manufatura iha Timor-Leste.

“Hanesan onra nomós responsabilidade ida atu prezide sesaun abertura ohin nian bainhira ita halibur hamutuk atu valida planu asaun manufatura Timor-Leste nian, ne’ebé ita konsidera nu’udar roteiru estratéjiku ida ne’ebé reflete ita-nia ambisaun hamutuk atu transforma potensiál ba produtividade, no vizaun ba valór.”_ 𝗛𝗮𝘁𝗲𝘁𝗲𝗻 𝗠𝗶𝗻𝗶𝘀𝘁𝗿𝘂 𝗡𝗶𝗻𝗼 𝗣𝗲𝗿𝗲𝗶𝗿𝗮

Nia subliña indústria estratéjiku no mikro pekena no média empreza mak esforsu kolektivu husi definisaun ba planu asaun hodi identifika indústria estratéjiku ne’ebe iha kondisaun real Timor-Leste.

Partisipa iha sesaun ne’e mai husi JICA no ERIA, kargu dirijente husi liña ministeriais sira, instituisaun Governu, Parseiru dezenvolvimentu nomos setór Privadu sira,