𝐓𝐄𝐋𝐊𝐎𝐌𝐂𝐄𝐋 𝐇𝐀𝐋𝐎 𝐀𝐏𝐑𝐄𝐙𝐄𝐍𝐓𝐀𝐒𝐀𝐔𝐍 𝐁𝐀 𝐅𝐔𝐍𝐒𝐈𝐎𝐍Á𝐑𝐈𝐔 𝐌𝐂𝐈 𝐊𝐎𝐍𝐀𝐁𝐀 𝐒𝐈𝐒𝐓𝐄𝐌𝐀 𝐏𝐑𝐄𝐙𝐄𝐍𝐒𝐀 𝐃𝐈𝐙𝐈𝐓𝐀𝐋 𝐎𝐍𝐋𝐈𝐍𝐄, 𝐏𝐑𝐎𝐃𝐔𝐓𝐔 𝐓𝐄𝐋𝐄𝐊𝐎𝐌𝐂𝐄𝐋 𝐍𝐎 𝐌𝐀𝐑𝐊𝐄𝐓𝐈𝐍𝐆 𝐎𝐍𝐋𝐈𝐍𝐄

𝘿𝙞𝙡𝙞, 14 𝙉𝙤𝙫𝙚𝙢𝙗𝙧𝙪 2025

Husi Kompaña Telkomcel halo aprezentasaun ida importante ba funsionáriu Ministériu Komérsiu no Indústria (MCI), ho objetivu atu sosializa Programa Sistema Aplikasaun Lista Prezensa Dizital Online Produtu Telcomsel no Estratéjia ba Marketing Dizital Online. Atividade ne'e realiza iha Salaun Auditóriu MCI, Fomentu Mandarin, Dili.

Aprezentasaun ne'e fó oportunidade ba funsionáriu MCI atu kompriende lalais benefísiu teknologia prezensa dizital ne'ebé, bele fasilita monitorizasaun prezensa iha ambiente servisu.

Aléinde ne’e Telkomcel apresenta variedade produtu sira ne'ebé relevante ba komunikasaun modernu inklui solusaun dizital ne'ebé bele suporta efisiénsia no inovasaun iha setór governamentál.

"Aprezentasaun ida ne'e ho intensaun atu fó kontribuisaun ba desenvolvimentu kapasidade teknika ba funsionáriu sira liu-liu iha área transformasaun dizital.

Partisipante sira fó resposta pozitivu ho esperansa katak programa ne'e bele kontinua iha departamentu sira seluk tanba fó benefísiu real ba administrasaun no servisu públiku.