𝐌𝐂𝐈 𝐀𝐬𝐢𝐧𝐚 𝐊𝐨𝐧𝐭𝐫𝐚𝐭𝐮 𝐛𝐚 𝐏𝐫𝐨𝐣𝐞𝐭𝐮 𝐤𝐨𝐧𝐬𝐭𝐫𝐮𝐬𝐚𝐮𝐧 𝐟𝐨𝐮𝐧 𝐦𝐞𝐫𝐤𝐚𝐝𝐮 𝐦𝐮𝐧𝐢𝐬𝐢𝐩𝐢𝐮 𝐋𝐚𝐮𝐭𝐞𝐦 𝐧𝐨 𝐄𝐫𝐦𝐞𝐫𝐚

𝘿𝙞𝙡𝙞, 17 𝙉𝙤𝙫𝙚𝙢𝙗𝙧𝙪 2025

Ministériu Komérsiu no Indústria (MCI) asina kontratu ho empreza manan nain ba implementasaun projetu konstrusaun merkadu foun iha Munisipiu Lautem no Ermera, seremónia ofisiál ne’e, realiza iha sala Gabinete Ministru MCI,Fomentu Mandarin Dili.

Emprezá hirak ne'ebé hetan kontratu mak husi kompañia Divita CO Unipessoal,Lda Timor-Leste ne’ebe sei konstrui merkadu munisípiu Lautem no Henan Fitfth Construction Group, LTD husi China sei konstrui merkadu munisípiu Ermera.

Projetu ba merkadu Munisipiu hirak ne’e sei kontribui ba modernizasaun infraestrutura komérsiu iha nivel lokal, hodi aumenta aksesibilidade seguransa no kondisaun ambiente ba vendedór no konsumidór sira.

Empreza manan nain sira, sei responsavel hodi implementa projetu, tuir padraun tékniku no seguransa ho supervizaun regular no projetu hirak ne'e, sei hahú tuir planu kalendáriu ne'ebé akordu iha kontratu.

Ministériu Komérsiu no Indústria(MCI) kontinua ho kompromisu atu promove dezenvolvimentu infraestrutura komérsiu ne'ebé susténtavel, inovador no inkluzivu hodi fó impaktu pozitivu ba ekonomia nasionál no komunidade lokal sira.