𝐄𝐧𝐬𝐞𝐫𝐚𝐦𝐞𝐧𝐭𝐮 𝐅𝐨𝐫𝐦𝐚𝐬𝐚𝐮𝐧 𝐊𝐨𝐧𝐚-𝐛𝐚 𝐋𝐞𝐢 𝐧𝐨 𝐏𝐨𝐥𝐢𝐭𝐢𝐤𝐚 𝐊𝐨𝐦𝐩𝐞𝐭𝐢𝐬𝐚𝐮𝐧 𝐧𝐨 𝐏𝐫𝐨𝐭𝐞𝐤𝐬𝐚𝐮𝐧 𝐊𝐨𝐧𝐬𝐮𝐦𝐢𝐝𝐨𝐫 𝐛𝐚 𝐅𝐮𝐧𝐬𝐢𝐨𝐧á𝐫𝐢𝐮 𝐌𝐂𝐈
𝘿𝙞𝙡𝙞, 04 𝘿𝙚𝙯𝙚𝙢𝙗𝙧𝙪 2025
Ministériu Komérsiu no Indústria liu husi Gabinete Apoiu Juridiku Sr. Gregorio da Silva hala’o Ensera ba formasaun kona-ba Lei no Politika Kompetisaun no Proteksaun Konsumidor ne’ebé organiza husi Sekretariadu ASEAN. Serimónia ne’e hala’o iha Pusat Budaya Indonezia, iha Dili, Kuarta-feira ne’e, loron 3-4 fulan Dezembru.
Formasaun ida ne’e iha signifikadu boot, tanba fó oportunidade atu hametin no aumenta kapasidade MCI hanesan institusaun governu ne’ebé responsavel implementa lei ASEAN iha pilar ekonomia no garante kompetisaun merkadu ne’ebé justu.
Iha Serimónia ne’e Kordenador Gabinete Apoiu Juridiku Sr. Gregorio da Silva hato’o ninia apresiasaun ba treinadór sira, Sra. Karina Utari no Sra. Retno Wiranti, tanba partilla konesimentu, esperiénsia no dedikasaun ne’ebé fó kontribuisaun konkretu atu hametin kapasidade Timor-Leste iha dezenvolvimentu lei no politika kompetisaun no proteksaun konsumidor. “Kontribuisaun husi treinadór rua ne’e ajuda parte interessadu hotu atu avansa no sai profesionais liu iha área kompetisaun no proteksaun konsumidor.
“Mekanismu padronizasaun ASEAN no diskusaun kona-ba proteksaun konsumidor iha fronteira, e-commerce, digitalizasaun no tendénsia merkadu atual fó komprensaun kle’an kona ba dinamika merkadu modernu. Koñesimentu ne’e relevante tebes ba kompromisu Timor-Leste atu aumenta partisipasaun ativa iha fórum ASEAN hanesan AEGC no ACCP, parte husi esforsu atu hamoniza padraun rejional no pratika diak liu.” 𝘏𝘢𝘵𝘦𝘵𝘦𝘯 𝘒𝘰𝘳𝘥𝘦𝘯𝘢𝘥𝘰𝘳 𝘎𝘢𝘣𝘪𝘯𝘦𝘵𝘦 𝘈𝘱𝘰𝘪𝘶 𝘑𝘶𝘳𝘪𝘥𝘪𝘬𝘶 𝘚𝘳. 𝘎𝘳𝘦𝘨𝘰𝘳𝘪𝘰 𝘥𝘢 𝘚𝘪𝘭𝘷𝘢
Sekretariadu ASEAN kontinua fó susténsia ba dezenvolvimentu sistema kompetisaun no proteksaun konsumidor ne’ebé forte no efetivu iha Timor-Leste, ho direksaun klaru no harmonizadu ho padraun rejional.
Iha enseramentu, Diretora Nasional Regulasaun Komersial no Proteksaun Konsumidor hamutuk ho reprezentante husi AEGC, ACCP no MNEC, fahe sertifikadu ba partisipante sira ne’ebé kompleta formasaun.
Hola parte iha aktividade enseramentu ne'e kompostu husi Diretór Unidade Sérvisu Deskonsentradu Ministériu Komérsiu no Indústria Munisípiu Manatuto, Viqueque, Laútem, Manufahi Inklui Baucau, iha serimonia enseramentu ne'e simbolikamente entrega direta sertifikadu ba formandu sira.
