Dili, 08 Outubru 2024

IX Governu Konstitusionál foka liu ba dezenvolvimentu ekonómiku no diversifikasaun ekonómiku hodi kontribui ba iha prosesu konstrusaun estadu, liuhusi hadi'ak koñesimentu no dezenvolvimentu empreendedorizmu iha Timor-Leste.

Ho ida ne’e Programa Nasoins Unidas nian ba Dezenvolvimentu UNDP liuhusi projetu YEES fo oportunidade ba jovens sira iha Timor-Leste atu hahu negosiu hodi promove sustentabilidade no hasae kreximentu ekonomiku.

Reuniaun ohin Reprezentante adjunto UNDP iha Timor-Leste Sra. Adeline Carrier no Consultora Sra. Marta Lazoni mai hasoru S.E Ministru Komérsiu no Indústria 𝙎𝙧. 𝙉𝙞𝙣𝙤 𝙋𝙚𝙧𝙚𝙞𝙧𝙖 iha Gabinte Ministro MCI hodi rona Ministeriu nia hanoin kona-ba projetu ne’e nomos preokupasaun no sujestaun saida maka bele mellora ba reforma jeral Ministeriu nian.

Aleinde ne’e atu reforsa, joven balun hodi halo divulgasaun ho sensibilizasaun ba informasaun iha media, para informasaun iha nivel suku iha nivel baze bele fo oportunidade diak liu ba Jovens sira iha Timor-Leste, hodi dinamija ekonomia iha Timor halo atraisaun ba investimentu privadu bele mai iha Timor leste no promove diversifikasaun ekonomia.

_ Remata