Sua eselénsia Ministru Komérsiu no Indústria sr. Nino Pereira akompaña ho kargu dirijente balun MCI hala’o enkontru ho Sekretaria Estadu Igualdade Jeneru, sra. Elviana de Sousa ho ekipa iha sala reuniaun Gabinete Ministru, Fomentu Dili. Dili, 21 Janeiro 2025

Reuniaun ne’e koalia kona-ba oinsa atu integra prespetiva jéneru iha politika Lejislasaun programa PAA Ministériu Komérsiu no Indústria nian ne’ebe kabe ba iha komprimisiu jéneru sira hanesan: CEDAW, DM III, PAN-EhD tinan 2022-2032.

Ministru MCI apresia ba Sekretaria Estadu Igualdade Jeneru (SEI) ho ekipa ne’ebe halo ona akompañamentu ho seriedade hodi dudu parseria importante sira nune’e bele hare’e feto Timor-Leste nia partisipasaun iha prosesu dezenvolviemntu ne’e.

“ Enkontru ida ne’e importante ne’ebe ita atu rona informasaun ne’ebe mai husi SEI ninian ne’e laos politika programa sira hotu ne’ebe hau hanoin oinsa maka bele integra ita ninia atividade sira iha Ministériu ne’e nian ne’ebe ita fo nafatin importansia hodi oinsa para ita bele asegura atividade sira ne’e laos hare deit ba dominasaun ita mane ka ou feto mak barak liu maibe hare oinsa asegura para partisipasaun hotu-hotu tantu mane tantu feto iha implementasaun programa atividade sira ne’e hotu laos tan deit iha pozisaun ruma maibe konfiansa responsabilidade ne’ebe atribui tantu mane tantu ba feto iha pozisaun ne’ebe mak hau hanoin temi koalia konaba balansu ne’ebe importante”_dehan Ministru MCI

Ministro MCI mos subliña, movimentu ekonomia ne’ebe mak la’o iha rai laran refleta ba prosesu lubuk ida ne’ebe mak la’o ona liuhusi survei ne’ebe MCI halo ba Inan feton sira husi mikro pekena no medias empreza, ida ne’e sai pilar importante ba dezenvolvimentu ekonomia iha nasaun ne’e.

Partisipa iha sorumutu ne’e DG Indústria, Diretur Rekursus Humanus, Diretora Lojistika no Patrimonia Estadu nomos Diretur Komérsiu Internu.

_Remata