𝐈𝐓𝐀 𝐏𝐑𝐄𝐒𝐈𝐉𝐀 𝐃𝐄𝐙𝐄𝐍𝐕𝐎𝐋𝐕𝐄 𝐄𝐊𝐎𝐍𝐎𝐌𝐈𝐀 𝐋𝐎𝐊𝐀𝐋
Lautém, 22 Abril 2025

Iha abertura ba atividade Business Gathering ne’ebe ho topiku " Hametin Setór Privadu Hodi Dinamiza Ekonómia Ne’ebe Sustentável, Seguru no Rezilente" Ministru Komérsiu no Industria Sr. Nino Pereira hateten, eventu ne’e hodi halibur emprezáriu sira, atu fahe hanoin liuhusi enkontru emprezariál, atu bele hamosu hanoin sira ne’ebe maka krítiku hodi oinsa dezenvolve ita nia ekonomia liuhusi kontribuisaun real hodi defini fila-fali papel importansia husi setór privado sira.

Ministro Nino Pereira subliña diversifikasaun ekonomiku presija diversifika no rekoñese negósiu ki’ik sira iha área no poténsia produtu lubuk ida, ne’ebe maka iha munispiu idak-idak halo.

Ho ida ne’e liuhusi programa business gathering ne’e, atu bolu atensaun ba setór privado sira, atu bele hare poténsia lokal saida maka iha kada munispiu, hodi halo investimentu  ba empreza lokal sira iha area ne’ebe maka presija dezenvolve.