𝐓𝐢𝐦𝐨𝐫-𝐋𝐞𝐬𝐭𝐞 𝐡𝐨 𝐍𝐓𝐓 𝐇𝐚𝐦𝐞𝐭𝐢𝐧 𝐊𝐨𝐨𝐩𝐞𝐫𝐚𝐬𝐚𝐮𝐧 𝐊𝐨𝐦𝐞́𝐫𝐬𝐢𝐚́𝐥 𝐧𝐨 𝐈𝐧𝐝𝐮́𝐬𝐭𝐫𝐢𝐚𝐥: 𝐊𝐨𝐧𝐯𝐢𝐭𝐞 𝐄𝐬𝐩𝐞𝐬𝐢𝐚́𝐥 𝐛𝐚 𝐃𝐈𝐓𝐄 𝟐𝟎𝟐𝟓

Ministériu Komérsiu no Indústria (MCI), liuhusi Sua exelénsia Ministru 𝐍𝐢𝐧𝐨 𝐏𝐞𝐫𝐞𝐢𝐫𝐚 no delegasaun governamentál, realiza sorumotu ho Governador Nusa Tenggara Timor (NTT) Sua exelénsia Sr. 𝐄𝐦𝐚𝐧𝐮𝐞𝐥 𝐌𝐞𝐥𝐤𝐢𝐚𝐝𝐞𝐬 𝐋𝐚𝐤𝐚 𝐋𝐞𝐧𝐚, iha Gabinete Provinsia NTT nian iha Kapital Kupang. Reuniaun ne'e organiza em koordenasaun Asistente Adidu Komersiu no Industria iha Kupang, Kamar Dagan Industri (KADIN) NTT no Konsuladu Timor-Leste iha Kupang(30 Juñu 2025)

Sorumotu ne'e nu’udar vizita ofisiál hodi troka hanoin no proposta konkreta kona-ba fortalesimentu relasaun komérsiu no kooperasaun indústrial entre Timor-Leste ho NTT, liuhusi plataforma esplorasaun oportunidade investimentu, promosaun produtu lokal, no preparativu ba partisipasaun NTT nian iha Dili International Trade Expo (DITE) 2025, ne’ebé sei akontese iha fulan Agostu iha Díli.

Alen de ajenda principal sorumotu iha Gabinete Governador nian, Ministru 𝐍𝐢𝐧𝐨 𝐏𝐞𝐫𝐞𝐢𝐫𝐚 Partisipa mos hanesan orador iha Forum Business ne’ebe organiza husi KADIN NTT iha Hotel HARPER Kupang , nu'udar sesaun dialogu no fahe hanoin sira hodi haburas no hakbiit Micro Pequena e Media Empresa (MPME) ba atinjimentu ekonomia dezenvolvidu iha rai ruan nian ne'ebe ho ninia origem hanesan familia iha rai ida deit.

𝐏𝐫𝐨𝐩𝐨𝐬𝐭𝐚 𝐊𝐨𝐨𝐩𝐞𝐫𝐚𝐬𝐚𝐮𝐧 𝐊𝐨𝐧𝐤𝐫𝐞́𝐭𝐮

Iha sesaun troka hanoin sira iha Gabinete Governador nian, Ministru MCI, apresenta proposta sira ne’ebé fó direisaun konkrétu ba kooperasaun rejionál atu bele hetan apresiasaun no konkordansia hamutuk entre estadu rai rua nian:

Pontu dahulluk; mak Konvite ba Governador NTT atu partisipasa iha DITE 2025, nu’udar orador prinsipál iha fórum business, hodi fó énfase ba ideia “pasar bersama” entre rai rua nian iha área fronteira, hodi fasilita troka komérsiál ne’ebé regular.

Pontu daruak; Desenvolvimentu rute transporte marítima ba potensialidade ezportasaun–importasaun nian liuhusi ligasaun marítima ne’ebé inklui rotasaun Kupang–Atapupu–Díli–Atauro–Alor, hodi alarga mobilidade merkadór no servisu.

Pontu datoluk; atrai investimento iha setór turizmu, ne’ebé fó prioridade ba elevasaun statutu Aeroportu El Tari Kupang ba aeroportu internasionál, hodi bele fasilita no permiti rute aéreu Oecusse–Kupang no Labuan Bajo, ho Aero Dili.

Pontu dahaat; reforsu kapasidade no kompeténsia (RH) ba MPME, liuhusi kolaborasaun formasaun, troka esperiénsia no treinamentu sira ne’ebé téniku liu.

Pontu dalima; KADIN NTT ho CCI-TL sei harii kafetaria rejional, ida iha Dili ho kafe Bajawa no Timor nian no ida iha Atambua ho kafe Letefoho inklui mos ho kafe NTT nian (Bajawa). Inisiativa kafetaria ida ne'e sei funsiona hanesan espasu kolaborativu ba MPME no agronegósiu, fó oportunidade ba produtu kafe lokal atu hetan asesu merkadu ida ne'ebé mais luas.

𝐀𝐩𝐫𝐞𝐬𝐢𝐚𝐬𝐚𝐮𝐧 𝐧𝐨 𝐊𝐨𝐦𝐩𝐫𝐨𝐦𝐢𝐬𝐮 𝐆𝐨𝐯𝐞𝐫𝐧𝐚𝐝𝐨𝐫 𝐍𝐓𝐓

Governador NTT, 𝐒𝐫. 𝐋𝐚𝐤𝐚 𝐋𝐞𝐧𝐚, apresia proposta sira no konsidera hanesan kontribuisaun direita ba prosesu dezenvolvimentu no prosperidade moris povu rai rua nian. Nia deklara sei hala’o aprosimasaun ho Governu Sentral iha Jakarta hodi kontinua diskusaun konstrutiva ho Timor-Leste, atu bele defini no establese mekanismu operasionál no instruméntu legál sira ne’ebé bele fasilita implementasaun kooperasaun ekonómiku entre parte rua nian.

𝐊𝐨𝐧𝐯𝐢𝐭𝐞 𝐄𝐬𝐩𝐞𝐬𝐢𝐚́𝐥 𝐛𝐚 MPME 𝐍𝐓𝐓

iha okaziaun fórum ne’e, Sua exelénsia Ministru 𝐍𝐢𝐧𝐨 𝐏𝐞𝐫𝐞𝐢𝐫𝐚 hanesan orador prinsipál loke “Karpet Merah” ba Mico, Pequena no Média Empreza (MPME) sira husi NTT, ho konvite espesiál atu partisipa iha Dili Internationál Trade Expo (DITE) 2025, ne’ebé sei fó fasilitasaun espesiál, asesu livre no espasu promosaun ba MPME nian.

𝐃𝐞𝐥𝐞𝐠𝐚𝐬𝐚𝐮𝐧 𝐓𝐢𝐦𝐨𝐫-𝐋𝐞𝐬𝐭𝐞

Delegasaun Timor-Leste iha enkontru referidu konpostu husi: Ministru Komérsiu no Indústria, 𝐒𝐫. 𝐍𝐢𝐧𝐨 𝐏𝐞𝐫𝐞𝐢𝐫𝐚, Adidu Komérsiu no Indústria Timor-Leste iha Jakarta, 𝐒𝐫. 𝐀𝐩𝐨𝐥𝐨 𝐉. 𝐅𝐫𝐚𝐧𝐜̧𝐚 𝐝𝐚 𝐒𝐢𝐥𝐯𝐚, Konsul Timor-Leste iha Kupang 𝐒𝐫. 𝐄𝐬𝐩𝐞𝐝𝐢𝐭𝐨 𝐝𝐚 𝐂. 𝐑𝐢𝐛𝐞𝐢𝐫𝐨, Asistente Adidu Komérsiu iha Kupang 𝐒𝐫. 𝐒𝐚𝐥𝐯𝐚𝐝𝐨𝐫 𝐒. 𝐝𝐨𝐬 𝐒𝐚𝐧𝐭𝐨𝐬, Asistente Adidu Komérsiu Surabaya 𝐒𝐫. 𝐑𝐢𝐜𝐚𝐫𝐝𝐨 𝐝𝐞 𝐀𝐫𝐚𝐮𝐣𝐨, no hetan acompanhementu husi 𝐊𝐀𝐃𝐈𝐍 𝐍𝐓𝐓 ho nia komitiva, inklui Ekipa ténika relevante husi MCI nian;

𝐈𝐧𝐩𝐚𝐤𝐭𝐮 𝐄𝐬𝐩𝐞𝐫𝐚𝐝𝐮

Enkontru ne’e hahú no remata ho harmonia, fó sinal positivu ba futuru kooperasaun rejionál entre Timor-Leste no NTT. Segundo Ministru 𝐍𝐢𝐧𝐨 𝐏𝐞𝐫𝐞𝐢𝐫𝐚, enkontru konjunta ne’e fó kontribuisaun importante ba esforsu kontínua atu hametin barreira komérsiál ne’ebé mak hasai difikuldade ba movimentasaun merkadór no servisu; Hametin konfiansa ekonómika entre empreza sira no investidór potensiál iha rejionál, aumenta dinámiku merkadu rejionál, hodi fó impaktu ba produtu lokál, MPME no servisu inovadór, Sustenta dezenvolvimentu susténtavel, liuhusi valorizasaun setór produtivu lokal no kontribui ba moris di'ak no prosperidade rai rua nian, liuhusi aproximasaun setór públiku no privadu.

Ministériu Komérsiu no Indústria (MCI) kontinua hatudu nia kompromisu atu buka parseria rejionál ne’ebé efikaz hodi sustenta objetivu estratéjiku nasional, inklui diversifikasaun ekonómika, promosaun setór indústrial lokal, no fortalesimento diplomásia ekonomia entre Timor-Leste ho nasaun viziñu sira.