SORUMUTU ENTRE MCI, ASIA MOBILITI HO MINISTERIU ENSINU SUPERIOR, SIÉNSIA, NO KULTURA

Dili, 23 Jullu 2025

Xefe Gabinete Vice Ministru MCI, Sra. Natalina M.H.H. Assis, hamutuk ho Reprezentante sira husi Impresa ASIA MOBILITI hala’o Sorumutu ho DGESC Interina, Sra. Amélia da Silva Araújo iha Sala DGESC, Dili.

Iha enkontru nee, Impresa ASIA MOBILITI halo’o aprezentasaun kona ba projetu pagamentu dijitál ba transporte publiku ne’ebe impresa refere implementa ona iha Nasaun sira Ázia Súl. Misaun ASIA MOBILITI mai Timor-Leste hodi halo’o mos aprezentasaun kona ba pagamento dijitál ba transporte publiku sira, no iha faze dahuluk sei aplika uluk ba transporte Microlet ne’ebe sirkula iha kapital Dili. Aprezentasaun refere hatudu liu husi Demostrasaun oinsa publiku no estudante sira atu uja Aplikasaun TIMOR PASS no NFC Card wainhira Utiliza transporte publiku iha futuru.

Objetivu prinsipál husi enkontru ida ne’e maka atu kria sinerzia serviso hamutuk entre MCI, MESCC no ASIA MOBILITI hodi implementa projetu pagamento dijitál ba Transporte Publiku iha Timor-Leste.