𝐕𝐢𝐬𝐞 𝐌𝐢𝐧𝐢𝐬𝐭𝐫𝐮 𝐊𝐨𝐦𝐞𝐫𝐬𝐢𝐮 𝐧𝐨 𝐈𝐧𝐝𝐮𝐬𝐭𝐫𝐢𝐚, 𝐬𝐢𝐦𝐮 𝐯𝐢𝐳𝐢𝐭𝐚 𝐤𝐨𝐫𝐭𝐞𝐳𝐢𝐚 𝐡𝐮𝐬𝐢 𝐈𝐦𝐩𝐫𝐞𝐳𝐚 𝐀𝐒𝐈𝐀 𝐌𝐎𝐁𝐈𝐋𝐈𝐓𝐈

Dili, 24 Jullu 2025

Eselensia Vise Ministru Komersiu no Industria, Sr. Augusto Júnior Trinidade, hetan vizita kortezia husi Reprezentante sira husi Impresa ASIA MOBILITI, iha gabinete Vise Minstru, Fomentu Mandarin Dili.

Iha vizita ne’e Impresa ASIA MOBILITI aprezenta rezultadu sosializasaun ne’ebe sira hamutuk ho ekipa tekniku sira husi Gabinete VMCI, iha universidade no instituisaun publiku iha Dili laran.

Durante ne’e ASIA MOBILITI halo sosializasaun kona ba projetu pagamentu dijitál ba transporte publiku ne’ebe impresa refere implementa ona iha Nasaun sira Ázia Súl.

Tanba ne’e Misaun ASIA MOBILITI mai Timor-Leste hodi halo’o mos aprezentasaun kona ba pagamentu dijitál ba transporte publiku sira, no tuir planu sira sei iha faze dahuluk sei aplika uluk ba transporte publiku Mikrolet ne’ebe sirkula iha kapital Dili.