𝐌𝐈𝐍𝐈𝐒𝐓𝐑𝐔 𝐌𝐂𝐈 𝐏𝐀𝐑𝐓𝐈𝐒𝐈𝐏𝐀 𝐈𝐇𝐀 𝐒𝐄𝐑𝐈𝐌Ó𝐍𝐈𝐀 𝐀𝐒𝐈𝐍𝐀𝐓𝐔𝐑𝐀 𝐀𝐊𝐎𝐑𝐃𝐔 𝐊𝐎𝐎𝐏𝐄𝐑𝐀𝐒𝐀𝐔𝐍 𝐄𝐍𝐓𝐑𝐄 𝐌𝐂𝐈 𝐇𝐎 𝐓𝐄𝐋𝐊𝐎𝐌𝐂𝐄𝐋

𝘿𝙞𝙡𝙞,03 𝙊𝙪𝙩𝙤𝙗𝙧𝙪 2025-Ministru Komérsiu no Indústria Sr. Nino Pereira partisipa iha serimónia asina akordu kooperasaun entre Ministériu Komérsiu no Indústria (MCI) liu husi Diresaun Jeral Indústria, ho Operadór Telekomunikasaun Indonesia International Timor-Leste,S.A , Asina akordu kooperasaun kona-ba “𝙃𝙖𝙠𝙗𝙞’𝙞𝙩 𝙈𝙞𝙠𝙧𝙤 𝙋𝙚𝙠𝙚𝙣𝙖 𝙉𝙤 𝙈é𝙙𝙞𝙖 𝙀𝙢𝙥𝙧𝙚𝙯𝙖 𝙇𝙞𝙪𝙝𝙪𝙨𝙞 𝙎𝙞𝙨𝙩𝙚𝙢𝙖 𝘿𝙞𝙟𝙞𝙩𝙖𝙡𝙞𝙯𝙖𝙨𝙖𝙪𝙣”,iha Suai room, Timor-Plaza Dili.

Objetivu husi Akordu Kooperasaun ida-ne’e sei alkansa liu hosi asinatura Programa-Kontratu espesífiku sira ne’ebé sei inklui planeamentu detallu husi atividade sira ne’ebé atu dezenvolve, obrigasaun sira ne’ebé iha parte ida-idak, no rekursu finanseiru ne’ebé nesesáriu atu hala’o projetu no atividade konjunta sira.

𝘔𝘪𝘯𝘪𝘴𝘵𝘳𝘶 𝘕𝘪𝘯𝘰 𝘗𝘦𝘳𝘦𝘪𝘳𝘢 𝘩𝘢𝘵𝘦𝘵𝘦𝘯,Atividade ohin ne'e hanesan pasu importante ida ba iha transformasaun era dijitálizasaun ne'ebé presiza tebes atu fasilita iha sistema.

“Mundu ohin buat hotu ho teknolójia importante tebes atu fasilita, tanba agora prosesu dijitalizasaun ne'e importante iha era dijitál agora. Timor-Leste nasaun ida-ne'ebé hamrik iha era mileniaun no tama mós ba prosesu transformasaun dijitál ninian. Ita aproveita dijitál ne'ebé iha hodi transforma dezenvolvimentu ekonomia, tanba ohin loron mundu dijitál nakloke bele adapta mai ita-nia dezenvolvimentu rai laran. Atu dezenvolve ita-nia ekonomia, tanba agora ita mos tama ona ba ASEAN. Tamba ida ne’e sistema dijitalizasaun sai hanesan transformasaun ne'ebé di'ak ba prosesu dezenvolvimentu ne'ebé lais”._Dehan Ministru MCI.

Iha fatin hanesan CEO Telkomcel, 𝘚𝘳. 𝘉𝘦𝘯𝘦𝘥𝘪𝘤𝘵𝘶𝘴 𝘈𝘳𝘥𝘪𝘺𝘢𝘯𝘵𝘰 𝘗𝘳𝘪𝘺𝘰 𝘩𝘢𝘵𝘦𝘵𝘦𝘯,”Sistema inovasaun dijitalizasaun ne’e sai importante atu dudu ekonómia Timor-Leste no iha mos vizaun importante atu apoiu dezenvolvimentu indústria.”

Serimonia ne’e hetan partisapa husi; S.E. Ministru MCI Sr. Nino Pereira, CEO Telkomcel Sr. Benedictus Ardiyanto Priyo, Vice Presidente Mobile Network Operations inklui diretor sira.