𝐌𝐢𝐧𝐢𝐬𝐭𝐫𝐮 𝐌𝐂𝐈 𝐇𝐚𝐥𝐚’𝐨 𝐑𝐞𝐮𝐧𝐢𝐚𝐮𝐧 𝐇𝐨 𝐆𝐫𝐮𝐩𝐮 𝐓𝐫𝐚𝐛𝐚𝐥𝐥𝐨 𝐏𝐥𝐚𝐧𝐮 𝐄𝐬𝐭𝐫𝐚𝐭é𝐣𝐢𝐤𝐮

𝘿𝙞𝙡𝙞,17 𝙊𝙪𝙩𝙤𝙗𝙧𝙪 2025-Ministru Komérsiu no Indústria Sr. Nino Pereira hala’o reuniaun ho Grupu Traballu ba Koordenasaun no Akompañamentu ba Prosesu Elaborasaun Planu Estratéjiku Ministériu Komérsiu no Indústria ba iha tinan 2025-2035.

Objetivu hosi reuniaun ida ne’e importante atu estabelese mekanizmu klaru ba planeamentu asaun sira ne'ebé atu tenke dezenvolve atu kumpri objetivu, meta no prazu fulan neen mak estabelese ona ba elaborasaun Plano Estrategiku MCI nian, inklui mobilizasaun Parseiru Dezenvolvimentu no konsultor ida.

Planu Estratéjiku ida nu’udar faze kritiku hosi siklu jestaun polítika públika nian, tanba ne’e mak importante tebes atu define asaun sira no avalia grau atu kumpri objetivu hirak ne’e, sukat impaktu sira no asegura aplikasaun los hosi rekursu públiku sira.

Entertantu Grupu Traballu ne’e kompostu hosi membru hamutuk nain sanulu resin sia (9) nomós Diretór Gerál Servisus Korporativu Sr. Leonardo Guterres de Carvalho mak sai hanesan Kordenador.