𝐀𝐣𝐮𝐝𝐚 𝐅𝐚𝐦𝐢𝐥𝐢𝐚 𝐒𝐢𝐫𝐚 𝐇𝐞𝐭𝐚𝐧 𝐑𝐞𝐧𝐝𝐚 𝐀𝐝𝐢𝐜𝐢𝐨𝐧𝐚𝐥, 𝐍𝐨 𝐄𝐬𝐭𝐢𝐦𝐮𝐥𝐚 𝐌𝐨𝐯𝐢𝐦𝐞𝐧𝐭𝐮 𝐄𝐤𝐨𝐧𝐨𝐦𝐢𝐚 𝐋𝐨𝐤𝐚𝐥

Likisa, 10 Novembru 2025

Ministru Komérsiu no Indústria, Sr. Nino Pereira halo vizita ba fatin hakiak manu iha aldeia Komelaran, suku Dato, munisipiu Likisa.

Vizita ne’e ho objetivu, atu haree direta progresu no desafiu hirak ne’ebe empreza ne’e hasoru, hodi kontinua fó suporta no motivasaun ba dezenvolvimentu agrikultura no pecuária iha nivel lokal.

Sr. Francisco, hanesan nain ba Fatin refere hetan formasaun profesionál iha área pecuária no agrikultura iha Indonézia, hafoin hetan formasaun Sr. Francisco kontinua halo pratika iha Timor-Leste hodi fo kontribuisaun direita ba dezenvolvimentu komunidade iha munispiu ne’e rasik.

Empreza ne’e hahú hakiak manu nomos halo produsaun ba manu-tolun husi tinan 2022 to’o agora, ho vizaun atu aumenta produsaun lokal, no ajuda sustentabilidade komunidade sira nian.