𝐓𝐢𝐦𝐨𝐫-𝐋𝐞𝐬𝐭𝐞 𝐏𝐚𝐫𝐭𝐢𝐬𝐢𝐩𝐚 𝐏𝐫𝐢𝐦𝐞𝐢𝐫𝐚 𝐕𝐞𝐳 𝐢𝐡𝐚 𝟑𝟏𝐬𝐭 𝐀𝐂𝐂𝐏 𝐌𝐞𝐞𝐭𝐢𝐧𝐠 𝐡𝐚𝐧𝐞𝐬𝐚𝐧 𝐌𝐞𝐦𝐛𝐫𝐮 𝐏𝐥𝐞𝐧𝐮 𝐀𝐒𝐄𝐀𝐍

𝙆𝙪𝙖𝙡𝙖 𝙇𝙪𝙢𝙥𝙪𝙧, 𝙈𝙖𝙡𝙖𝙮𝙨𝙞𝙖 17 𝙉𝙤𝙫𝙚𝙢𝙗𝙧𝙪 2025

Ministériu Komérsiu no Indústria (MCI), liu husi Diresaun Nasionál Regulasaun Komersiál no Protesaun Konsumidores (DNRCPC), partisipa iha 31st ACCP Meeting (ASEAN Committee on Consumer Protection) ne’ebé sei hala’o iha Kuala Lumpur, Malaysia, husi loron 17 to’o 21 Novembru 2025.

Partisipasaun ida ne’e marka momentu istóriku, tanba Timor-Leste partisipa pela primeira vez hanesan Membru Plenu ASEAN, depois de sei formalmente membru iha loron 26 Outubru 2025.

Iha enkontru regular ne’ebé mak realiza dala rua kada tinan, Timor-Leste halo apresentasaun kona-ba implementasaun Lei Protesaun Konsumidor nian (Lei n.° 8/2016), hanesan parte husi esforsu kontinua atu reforsa direitu no seguransa konsumidor sira.

Timor-Leste kontribui tan iha diskusaun ajenda sira importante hanesan:

• Interese atu partisipa iha disseminasaun ba RIC on UCT, inklui publikasaun iha website no redes sociais, no tradusaun ba lian ofisiál Timor-Leste nian.

• Konfirma prontidaun atu partisipa iha Plataforma ODR (Online Dispute Resolution), tanba Timor-Leste iha ona Livro de Reclamação ho QR Code ba komplaint sira iha teritóriu tomak.

• Kontribuisaun iha asuntu Capacity Building ne’ebé sei suporta husi Parseiru Desenvolvimentu sira, relasiona ho Protesaun Konsumidor no Seguransa Produtu.

Entretantu delegasaun Timor-Leste nian lidera husi Diretora Nasionál Regulasaun Komersiál no Protesaun Konsumidores (DNRCPC) 𝗦𝗿𝗮. 𝗠𝗮𝗻𝘂𝗲𝗹𝗮 𝗱𝗮 𝗦𝗶𝗹𝘃𝗮 𝗧𝗶𝗹𝗺𝗮𝗻, Pontu Fokál MCI nian ba asuntu ASEAN no Membru Core Negotiation Team (CNT) 𝗦𝗿𝗮. 𝗡𝗮𝘁𝗮𝗹𝗶𝗻𝗮 𝗠.𝗔. 𝗱𝗮 𝗖𝗼𝘀𝘁𝗮, Assessor ba Asuntu Komérsiu no Indústria – 𝗦𝗿. 𝗡𝘂𝗻𝗼 𝗱𝗼 𝗥𝗼𝘀á𝗿𝗶𝗼 𝗧𝗿𝗶𝗻𝗱𝗮𝗱𝗲 no Assesora ba Asuntu Komunikasaun nian – 𝗦𝗿𝗮. 𝗕𝗲𝗻𝗱𝗶𝘁𝗮 𝗱𝗮 𝗦𝗶𝗹𝘃𝗮 𝗦𝗮𝗿𝗺𝗲𝗻𝘁𝗼.