Ministru MCI, Hamutuk ho Ekipa Jestaun Munispiu Dili halo Monitorizasaun ba Merkadu Taibessi

Dili, 05 Dezembru 2025

Ministru Komérsiu no Indústria, Sr. Nino Pereira, akompaña husi Diretor Komérsiu Internu, Diretora Nasional Regulasaun Komersial no Protesaun Konsumidor hamutuk ho ekipa jestaun Munispiu Dili, hala’o vizita monitorizasaun ba Merkadu Taibessi molok Festa Natál no Tinan Foun.

Aleinde ne’e, Ministru Nino ho ekipa, halo mos observasaun ba kondisaun merkadu, ho atensaun partikulár ba preokupasaun infraestrutura ne’ebé levanta husi vendedór sira, inklui kanalizasaun bee no fasilidade haris-fatin.

Iha vizita ne’e, Ministru Nino subliña kompromisu Governu nian hodi revitaliza sentru merkadu sira

“𝘟𝘐 𝘎𝘰𝘷𝘦𝘳𝘯𝘶 𝘒𝘰𝘯𝘴𝘵𝘪𝘵𝘶𝘴𝘪𝘰𝘯á𝘭, 𝘭𝘪𝘶𝘩𝘰𝘴𝘪 𝘔𝘪𝘯𝘪𝘴𝘵é𝘳𝘪𝘶 𝘒𝘰𝘮é𝘳𝘴𝘪𝘶 𝘯𝘰 𝘐𝘯𝘥ú𝘴𝘵𝘳𝘪𝘢, 𝘵𝘢𝘶 𝘰𝘯𝘢 𝘱𝘭𝘢𝘯𝘶 𝘢𝘵𝘶 𝘳𝘦𝘷𝘪𝘵𝘢𝘭𝘪𝘻𝘢 𝘴𝘦𝘯𝘵𝘳𝘶 𝘮𝘦𝘳𝘬𝘢𝘥𝘶 𝘳𝘶𝘢 – 𝘛𝘢𝘪𝘣𝘦𝘴𝘴𝘪 𝘯𝘰 𝘔𝘢𝘯𝘭𝘦𝘶, 𝘵𝘢𝘮𝘣𝘢 𝘯𝘶𝘮𝘦𝘳𝘶 𝘷𝘦𝘯𝘥𝘦𝘥𝘰𝘳𝘦𝘴 𝘬𝘰𝘯𝘵𝘪𝘯𝘶𝘢 𝘯𝘰 𝘦𝘴𝘱𝘢𝘴𝘶 𝘢𝘵𝘶𝘢𝘭 𝘭𝘢 𝘴𝘶𝘧𝘪𝘴𝘪𝘦𝘯𝘵𝘦 𝘳𝘦𝘢𝘭𝘪𝘥𝘢𝘥𝘦 𝘪𝘥𝘢 𝘯𝘦’𝘦 𝘩𝘢𝘵𝘶𝘥𝘶 𝘬𝘢𝘵𝘢𝘬 𝘪𝘵𝘢 𝘱𝘳𝘦𝘴𝘪𝘫𝘢 𝘦𝘭𝘦𝘷𝘢 𝘬𝘰𝘯𝘥𝘪𝘴𝘢𝘶𝘯 𝘮𝘦𝘳𝘬𝘢𝘥𝘶 𝘢𝘵𝘶 𝘴𝘢𝘪 𝘥𝘪𝘨𝘯𝘶, 𝘴𝘦𝘨𝘶𝘳𝘶, 𝘢𝘴𝘦𝘴𝘪𝘷𝘦𝘭, 𝘯𝘰 𝘴𝘢𝘶𝘥𝘢𝘷𝘦𝘭 𝘩𝘰𝘥𝘪 𝘨𝘢𝘳𝘢𝘯𝘵𝘦 𝘴𝘶𝘴𝘵𝘦𝘯𝘵𝘢𝘣𝘪𝘭𝘪𝘥𝘢𝘥𝘦.”_ 𝘔𝘪𝘯𝘪𝘴𝘵𝘳𝘶 𝘔𝘊𝘐 𝘩𝘢𝘵𝘦𝘵𝘦𝘯

Ministru garante katak fornesimentu nesesidade báziku mantein estavel no sufisiente atu hatán ba ezijénsia iha tempu feriadu. Nia subliña liután importánsia atu prevene manipulasaun folin, enkoraja vendedór sira atu mantein prátika sira ne'ebé justu hodi salvaguarda estabilidade merkadu nian.

𝘏𝘦𝘪𝘯 𝘬𝘢𝘵𝘢𝘬 𝘴𝘦𝘪 𝘭𝘢𝘪𝘩𝘢 𝘮𝘢𝘯𝘪𝘱𝘶𝘭𝘢𝘴𝘢𝘶𝘯 𝘱𝘳𝘦𝘴𝘶 𝘪𝘩𝘢 𝘵𝘦𝘮𝘱𝘶 𝘭𝘰𝘳𝘰𝘯 𝘣𝘰’𝘰𝘵, 𝘔𝘪𝘯𝘪𝘴𝘵é𝘳𝘪𝘶 𝘬𝘰𝘯𝘵𝘪𝘯𝘶𝘢 𝘧𝘰 𝘩𝘢𝘯𝘰𝘪𝘯 𝘯𝘰 𝘦𝘯𝘬𝘰𝘳𝘢𝘫𝘢 𝘷𝘦𝘯𝘥𝘦𝘥𝘰𝘳 𝘴𝘪𝘳𝘢, 𝘢𝘵𝘶 𝘦𝘷𝘪𝘵𝘢 𝘮𝘢𝘯𝘪𝘱𝘶𝘭𝘢𝘴𝘢𝘶𝘯 𝘣𝘢 𝘱𝘳𝘦𝘴𝘶, 𝘩𝘰𝘥𝘪 𝘨𝘢𝘳𝘢𝘯𝘵𝘦 𝘦𝘴𝘵𝘢𝘣𝘪𝘭𝘪𝘥𝘢𝘥𝘦 𝘮𝘦𝘳𝘬𝘢𝘥𝘶._𝘥𝘦𝘩𝘢𝘯 𝘔𝘪𝘯𝘪𝘴𝘵𝘳𝘶 𝘔𝘊𝘐

Atividade monitorizasaun ne’e reflete Ministériu nia esforsu kontínuu atu hametin protesaun ba konsumidór, garante sustentabilidade merkadu, no apoia komérsiu lokál. Vizita ne’e hala’o direitamente husi Ministru Komérsiu no Indústria, akompaña husi responsavel superiór no ekipa tékniku sira husi Ministériu refere.