Ministériu Komérsiu no Indústria realiza semináriu kona-ba Politika no Estratejia Dezenvolvimentu Komérsiu iha Munisípiu Manufahi

Manufahi, 05 Dezembru 2025

Ministériu Komérsiu no Indústria, liuhusi Diresaun Jerál Komérsiu, realiza semináriu munisipál kona-ba Polítika no Estratéjia Dezenvolvimentu Komérsiu iha Postu Administrativu Turiscai, Munisípiu Manufahi.

Objetivu husi semináriu ne’e mak atu informa no aumenta konsiénsia públiku kona-ba diretriz, prioridade, no medidu estratéjiku sira atu fó impulsu ba dezenvolvimentu komérsiu, hadia ambiente negósio, no promove kresimentu ekonomiku sustentável.

Liafuan mak loke husi, Sr. Jorge Ferreira, Diretór Dirasaun Nasionál Rekursu Umanu (DNRH), ne’ebé iha tempu hanesan mós reprezenta Sua Exelénsia Ministru Komérsiu no Indústria nia fatin.

Iha nia diskursu, Diretór DNRH haktuir katak liuhusi atividade semináriu ne’e hanesan meu ida atu Ministériu Komérsiu no Indústria kontinua divulga no partilha informasaun sira ne’ebé realsiona ho dezenvolvimentu ekonómiku, liuliu iha área komérsiu

Entretantu semináriu kona-ba dezenminasaun Polítika no Estratéjia Dezenvolvimentu Komérsiu loke ofisiálmente husi Sr. Aleixo de Deus, Sekretáriu III Prezidente Autoridade Munisípiu.

Ordór ba semináriu ne’e mak Sr. Yakobus de Jesus no modera husi Sr. Jorge Ferreira, Diretór Dirasaun Nasionál Rekursu Umanu- MCI.

Partisipante sira iha Semináriu Munisipál ne’e mai husi: Administradár Postu Administrativu (APA) Turiskai, kargu Diretór Nasionál no Diretór USD Manufahi husi MCI no liña Ministeriál, komunidade, Xefe Suku, Xefe Aldeia, Polísia, Veteranus no juventude sira.