𝐆𝐮𝐚𝐧𝐠𝐝𝐨𝐧𝐠 𝐘𝐮𝐞 𝐒𝐡𝐮𝐢 𝐃𝐢𝐚𝐧 𝐆𝐫𝐨𝐮𝐩, 𝐈𝐡𝐚 𝐈𝐧𝐭𝐞𝐫𝐞𝐬𝐞 𝐇𝐚𝐤𝐚𝐫𝐚𝐤 𝐈𝐧𝐯𝐞𝐬𝐭𝐞 𝐀́𝐫𝐞𝐚 𝐈𝐧𝐝𝐮𝐬𝐭𝐫𝐢𝐚 𝐈𝐡𝐚 𝐓𝐢𝐦𝐨𝐫-𝐋𝐞𝐬𝐭𝐞

Zhuhai Xina, 7 Dezembru 2025

Eselensia Vise Ministru Komérsiu no Industria, Sr. Augusto Junior Trindade, ho delegasaun vizita ofisiál ba Guangdong Yue Shui Dian Group, Durante loron haat iha sidade Guanzhou Xina.

Vise Ministru ho delegasaun halo vizita ne'e tanba hetan konvite ofisiál husi Guangdong Yue Shui Dian Group, hodi vizita sira nia fatin industria sira no esplora sira nia investimentu ne'ebé sira halo ona ba sustentabilidade ekonomia nasaun nian no buka oportunidade atu ba investe iha Timor-Leste iha futuru.

Durante vizita ne'e Vise Ministru ho delegasaun halo enkotru ofisiál no halo diskusaun ba dirijente sira husi Guangdong Yue Shui Dian Group, no introdus kona-ba geografikamente Timor-Leste nasaun ida kiik maibé bele asesu ba merkadu global tanba sai ona membru ASEAN, Organizasaun Mundiál Komérsiu (OMK) no komunidade nasaun língua portugeza sira.

Vise-Ministru mós konvida membru Guangdong Yue Shui Dian Group, atu vizita Timor-Leste no buka posibilidade halo investimentu iha Timor-Leste.

Dirijente Guangdong Yue Shui Dian Group, apresia ba Vise-Ministru ho delegasaun tanba diskusaun no aprezentasaun interesante tebes no sei buka oportunidade hodi ba investe iha Timor-Leste.