𝐈𝐧𝐚𝐮𝐠𝐮𝐫𝐚𝐬𝐚𝐮𝐧 𝐄𝐝𝐢𝐟𝐢𝐬𝐢𝐮 𝐔𝐒𝐃- 𝐌𝐂𝐈 𝐢𝐡𝐚 𝐌𝐮𝐧𝐢𝐬𝐢𝐩𝐢𝐮 𝐄𝐫𝐦𝐞𝐫𝐚

𝐄𝐫𝐦𝐞𝐫𝐚, 𝟏𝟗 𝐃𝐞𝐳𝐞𝐦𝐛𝐫𝐮 𝟐𝟎𝟐𝟓

Ministériu Komérsiu no Indústria (MCI), liu hosi Diresaun Nasional Rekursu Humanus, Sr. Jorge Ferreira, iha fatin representa Ministru Komersiu no Industria Sr. Nino Pereira, hamutuk ho funsionáriu sira halo Inaugurasaun ba edifísiu foun USD-MCI iha Munisípiu Ermera.

Iha diskursu, Diretor Nasional Rekursu Humanus, Sr. Jorge Ferreira, hato’o agradesimentu ba entidade hotu-hotu, liu-liu ba Presidente Autoridade Munisípiu Ermera, Diretor Teras Propriedade Munisípiu no kumunidade lokal ne’ebé kontribui hodi atribui rai ne’e ba MCI.

Edifísiu foun ida sei fó hamahun ba funsionáriu destakadu sira hodi fasilita servisu diak liu tan no responde preokupasaun iha área komérsiu no indústria._hateten Diretor DNRH, Sr. Jorge Fereira.

Iha serimonia ne’e mos fó oportunidade ba MCI atu fortalese relasaun ho autoridade lokal no kumunidade.

Entertantu iha serimônia Inaugurasaun ne'e, hetan bensaun husi Padre Ricardino Mendonça Castro ba edifisiu foun

Partisipa iha Serimonia ne’e hosi entidade sira hanesan reprejentante Autoridade Munisípiu Ermera, Komandante Polísia, Diretor Teras Propriedade Munisípiu, no konvidadu sira seluk, hatudu apoiu no solidariedade ba dezenvolvimentu setór komérsiu no indústria iha Ermera.