𝐇𝐚𝐫𝐞𝐞 𝐁𝐞𝐬𝐢𝐤 𝐏𝐫𝐨𝐝𝐮𝐬𝐚𝐮𝐧 𝐏𝐫𝐨𝐝𝐮𝐭𝐮 𝐌𝐎𝐒 𝐗 𝐃𝐀𝐈𝐋𝐘

Dili, 28 Marsu 2025

Sesta-feira semana ne’e Ministru Komérsiu no Indústria, Sr. Nino Pereira, hala’o vizita ba Lijuramosdaily Unip.Lda ne’ebé maka halo produsaun MOS X DAILLY, hosi budutasi, iha Fomentu I Dili hodi haree besik sira-nia prosesu produsaun ne’e.

Ministru Nino Pereira sente orgullu ho inisiátiva husi empreza Lijuramosdaily ne’ebé maka estabelese iha setembru 2023, ne’ebé hahu produz hahan ho kualidade ne’ebé di’ak tebes, tanba hijéniku no seguru atu konsumu.

“Produtu aihan ne’ebé maka iha nivel kualidade ne’ebé maka di'ak tebes ba ema ninia saude, tanba ne’e maka ita hakarak haree direita, hodi governu hanesan hakarak kontinua nafatin fo esperansa, asegura no garantia katak atividade ekonómiku sira ne’e tenki la'o iha ambiente ne’ebé maka seguru, iha kompetitivu produtividade iha ne’eba liuliu maka sira diversifika ona ita ninia ekonomia."

Papél setór privadu ne’e esensiál iha diversifikasaun ekonómia. Tulun governu iha kriasaun empregu no rendimentu ba komunidade lokál sira.

_Media MCI