𝐑𝐄𝐅𝐎𝐑𝐒𝐀 𝐏𝐑𝐎𝐃𝐔𝐒𝐀𝐔𝐍 𝐀𝐆𝐑𝐈𝐊𝐎𝐋𝐀 𝐍𝐎 𝐀𝐒𝐄𝐒𝐔 𝐌𝐄𝐑𝐊𝐀𝐃𝐔

Likisa Leorema, 29 Marsu 2025

Sua Eselénsia, Ministru Komérsiu no Indústria, Sr. Nino Pereira, enkoraja nafatin to'os-na'in sira atu produz liutan hodi sustenta nesesidade konsumu no asigura reziliénsia.

Iha vizita ba to'os-na'in señor Fransisco Goncalves ne'ebé iha aifuan salak hun hamutuk 2.250, tanjerina hun 400, no mós kontinua ba fatin turizmu komunitaria Cafe Leo-Bali, señor Emanuel da Conceicão, iha Leorema, fin semana ne’e, enkoraja sira atu fó importánsia ba produsaun agrikola ne'ebé kontribui mós iha dezenvolvimentu ekonomia lokál no nasionál.

Ita mai iha suku Leorema, hasoru malu ho tos nain salak, familia sira hotu iha Fatin ida ne’e atu hare importansia ita tenki enkoraja duni ita nia agrikultur sira, ita nia produtor sira, hanoin para oinsa bele fo importansia ba iha produtu agrikultor ne’ebe ita dehan katak importante duni para atu kontribui ba iha ita nia dezenvolvimentu ekonomia.

"Ohin loron ita koalia ona diversifika ita-nia produtu, tanba ne’e ita hakarak dehan tenki hasae duni produsaun. Ohin ita mai haree iha to'os iha salak, tanjerina, durian, hudi no aifuan orgániku sira seluk. Ida-ne'e merkadu presiza."

Ministériu Komérsiu no Indústria kolabora ho Ministériu Agrikultura Peska Pekuária no Floresta atu haree ba produsaun no komersializasaun. MAPPF maka foka ba hasae produsaun no MKI maka foka iha buka merkadu ka komersializa no industrializa produtus.

_Media MCI