𝐊𝐎𝐌𝐄𝐌𝐎𝐑𝐀𝐒𝐀𝐔𝐍 𝐋𝐎𝐑𝐎𝐍 𝐌𝐔𝐍𝐃𝐈Á𝐋 𝐌𝐈𝐊𝐑𝐎 𝐏𝐄𝐊𝐄𝐍𝐀 𝐍𝐎 𝐌É𝐃𝐈𝐀 𝐄𝐌𝐏𝐑𝐄𝐙𝐀 𝐃𝐀𝐑𝐔𝐀𝐊 𝐈𝐇𝐀 𝐓𝐈𝐌𝐎𝐑-𝐋𝐄𝐒𝐓𝐄

Dili, 26 Juñu 2025-Diresaun Jerál Indústria liuhusi Diresaun Nasional Apoiu no Dezenvolvimentu Mikro Pequena no Media Empreza, realiza atividade Feira, hodi komemora loron múndial mikro pekena no média empreza ba dala-walu iha mundu, no iha Timor-Leste selebra ba daruak ne’ebe ho tema “Hamutuk Kria Futuro Ne’ebe Forte No Sustentavél Ba Mikro Pequena No Média Empreza.”

Ministru Komérsiu no Indústria Sr. Nino Pereira, iha diskursu hateten esforsu sira hotu ne’ebe maka operadór no ajentes ekonómiku sira halo, hodi dinamiza ekonomia nasional.

“ Ita hare’e ba esforsu sira hotu ne’ebe maka ita nia operadór no ajentes ekonómiku sira halo, oinsa dinamiza ekonomia ne’e hanesan esforsu real ida kontribui ba dezenvolvimentu ekonomia nasional, ita koa’lia beik-beik iha polítika jerál ida kona-ba redusaun kiak no mukit, ne’e sai hanesan afirmasaun polítiku IX governu konstitusional atu reduz kiak to’o 10% durante mandato no hakarak defende kresimentu ekonomia hodi bele atinji to’o 5%, maske sai hanesan dezafiu, maibe ita hakarak defende mos ba taxa empregu.” 𝘿𝙚𝙝𝙖𝙣 𝙈𝙞𝙣𝙞𝙨𝙩𝙧𝙤 𝙈𝘾𝙄, 𝙞𝙝𝙖 𝙚𝙙𝙞𝙛𝙞𝙨𝙞𝙪 𝙁𝙤𝙢𝙚𝙣𝙩𝙪 𝙈𝙖𝙣𝙙𝙖𝙧𝙞𝙣 𝘿𝙞𝙡𝙞.

"Mikro pequena no média empreza ne’ebe maka forte reziliente no sustentavel, ita agradese ba mikro pekena no média empreza sira nia ezistensia, konsegue halo ona esportasaun ba rai liur."

Entertanto Feira ne’e realiza durante loron tolu(3) hahú husi loron 26 to’o loron 28, no akumula grupo sira hamutuk rua-nulu-resin ida (21), mai husi munispiu Liquiça inklui Dili, ho produto akresentado sira hanesan Sabaun Fase-bikan, Mina Moringa, aihan, Kafetaria nomos artezenato sira.