𝐕𝐢𝐬𝐞 𝐌𝐢𝐧𝐢𝐬𝐭𝐫𝐮 𝐊𝐨𝐦𝐞́𝐫𝐬𝐢𝐮 𝐧𝐨 𝐈𝐧𝐝𝐮𝐬𝐭𝐫𝐢𝐚, 𝐑𝐞𝐩𝐫𝐞𝐳𝐞𝐧𝐭𝐚 𝐆𝐨𝐯𝐞𝐫𝐧𝐮 𝐊𝐨𝐧𝐭𝐢𝐧𝐮𝐚 𝐡𝐚𝐥𝐨 𝐃𝐢𝐬𝐤𝐮𝐬𝐚𝐮𝐧 𝐡𝐨 𝐃𝐞𝐩𝐮𝐭𝐚𝐝𝐮 𝐒𝐢𝐫𝐚 𝐇𝐮𝐬𝐢 𝐊𝐨𝐦𝐢𝐬𝐚𝐮𝐧 𝐀, 𝐊𝐨𝐧𝐚-𝐛𝐚, 𝐏𝐫𝐨𝐩𝐨𝐬𝐭𝐚 𝐋𝐞𝐢, 𝐊𝐨𝐝𝐢𝐤𝐮 𝐑𝐞𝐤𝐮𝐩𝐞𝐫𝐚𝐬𝐚𝐮𝐧 𝐧𝐨 𝐈𝐧𝐬𝐨𝐥𝐯𝐞𝐧𝐬𝐢𝐚

Aileu, 09 Jullu 2025

Eselensia Vise Ministru Komérsiu no Industria, 𝑺𝒓. 𝑨𝒖𝒈𝒖𝒔𝒕𝒐 𝑱𝒖́𝒏𝒊𝒐𝒓 𝑻𝒓𝒊𝒏𝒅𝒂𝒅𝒆, reprezenta governu kontinua halo diskusaun ho Deputadu sira husi Komisaun A, trata asuntu Konstituisaun no Justisa, iha faze espesialidade ba Proposta Lei Nú.13/VI (2a) kona-ba Kodiku Rekuperasaun no Insolvensia, hamutuk Artigu 225, iha Salaun Mukit Aisirimou Munisípiu Aileu.

Eselensia Vise Ministru Komérsiu no Indústria, 𝑺𝒓. 𝑨𝒖𝒈𝒖𝒔𝒕𝒐 𝑱𝒖́𝒏𝒊𝒐𝒓 𝑻𝒓𝒊𝒏𝒅𝒂𝒅𝒆, hatete, diskusaun ne'e ba dala hitu hahu husi fulan kotuk no ohin kontinua halo no votasaun ba artigu sira seluk ne'ebé seidauk konklui.

"Ohin kontinua halo diskusaun ba proposta lei nu, 13/VI (2a) ne'ebé fulan kotuk halo ona diskusaun no aprova ona artigu balun no sei iha artigu balun presiza halo diskusaun klaran molok aprova, husi proposta lei ne'e hamutuk artigu 225", hateten VMCI.

Vise Ministru mos esplika, lei ne'e kondis ho situasaun real ne'ebé akontese iha rai laran tanba kompaña barak bainhira bankrota, afeta ba servisu nain sira tenke lakon servisu no lakon direitu bainhira kompaña hasoru situasaun ne'e.

Diskusaun ne'e prezidi husi Prezidente Komisaun A, Sr. Patrocino Fernandes do Reis, partisipa husi membru komisaun A hetan, reprezenta mós reprezentante Banco Sentrál Timor-Leste (BCTL), parte justisa nia reprezentante, Asesór Internasionais no Nasionais inklui tékniku sira husi Parlamentu Nasionál.

Entertantu diskusaun ba espesialidade ne'e sei hala'o loron tolu iha salaun Mukit, Munisípiu Aileu no tuir planu sei kontinua fulan oin hodi finaliza artigu sira ne'ebé seidauk konklui.