𝐊𝐚𝐧𝐝𝐢𝐝𝐚𝐭𝐮 𝟒𝟒 𝐡𝐮𝐬𝐢 𝐊𝐍𝐈 𝟓 𝐏𝐚𝐫𝐭𝐢𝐬𝐢𝐩𝐚 𝐅𝐨𝐫𝐦𝐚𝐬𝐚𝐮𝐧 𝐁𝐚 𝐃𝐞𝐳𝐞𝐧𝐯𝐨𝐥𝐯𝐞 𝐏𝐥𝐚𝐧𝐮 𝐍𝐞𝐠𝐨́𝐬𝐢𝐮

Dili, 15 Setembru 2025

Eselensia Vise Ministru Komersiu no Industria (MCI), 𝑺𝒓. 𝑨𝒖𝒈𝒖𝒔𝒕𝒐 𝑱𝒖́𝒏𝒊𝒐𝒓 𝑻𝒓𝒊𝒏𝒅𝒂𝒅𝒆 halo abertura ba formasaun ka akompaniamentu ba kandidatu Kompetisaun Negosiu Inovativu (KNI) 5, iha salaun Timor-Loadge Dili.

Programa ne’e hola parte iha Projetu YEES, ne’ebé finansia hamutuk husi KOICA, Governu Timor-Leste liuhusi MCI Diresaun Nasional Apoiu Dezenvolvimentu Mikro, Pequena, Media Empreza, no UNDP, ho objetivu husi kontinuasaun KNI 5 ne’e atu promove empregu, empreendedorizmu, no diversifikasaun ekonómika iha Timor-Leste tomak.

Aplikante KNI 5 ho total nain 112, (Mane 63 no Feto 49) maibe ekipa avaliasaun husi MCI no UNDP-YEES, vizita tiha fatin negósiu ba aldeia liu 60 iha munisípiu 11 hodi intervista no halo inspesaun ba aplikante KNI 5, rezultadu selesiona katak, kandidatu hamutuk 44 (Mane 29 no Feto 15) hodi hakat ba faze Akampamentu.

Kandidatu sira ne’e partisipa Akampamentu durante loron ualu sira sei aprende,Dezenvolve Planu Negósiu, Aumenta Ideia Negósiu, Komersializasaun/Marketing,Identifika pesoál ka traballadór sira, Organizasaun no Jestaun, Aprovizionamentu iha Negósiu, Kálkulu Kustu, Planu Finanseiru Identifika Kapitál Inisiál no Fonte Kapitál potensiál sira.