𝐄𝐦𝐩𝐫𝐞𝐳𝐚 𝐁𝐎𝐑𝐈𝐆𝐑𝐀 𝐒𝐭𝐚𝐫, 𝐀𝐩𝐫𝐞𝐳𝐞𝐧𝐭𝐚 𝐏𝐫𝐨𝐝𝐮𝐭𝐮 𝐃𝐢𝐯𝐞𝐫𝐬𝐢𝐟𝐢𝐤𝐚𝐬𝐚𝐮𝐧 𝐄𝐤𝐨𝐧𝐨𝐦𝐢𝐚

Dili, 11 Setembru 2025

Eselensia Vise Ministru Komersiu no Industria, Sr. Augusto Júnior Trindade, simu vizita husi empreza BORIGRA Star Unipessoal. Lda, ne’ebé halo produsaun ba masin midar (Açucar), iha gabinete Vise-Ministru Fomentu Mandarin Dili.

Empreza BORIGRA Star Unipessoal. Lda, empreza timoroan ne’ebé servisu hamutuk ho empreza husi Jakarta Indonézia, produs ona masin midar, ho matéria prima mai husi nu’u funan. Masin Midar ne’ebé sira produs ho tau marka NIRA organic palm coconut sugar.

Iha vizita ne’e Vise Ministru mos husu empreza kontinua produs, maibe presiza buka meus halo teste laboratorium atu garante nia kualidade no hasae nia kuantidade hodi bele responde nesesidade konsumidores sira.

Governante ne’e mos husu nain ba empreza servisu hamutuk ho Ministeriu liu husi diresaun Marketing halo promosaun ba produtu ne’e rasik no distribui ba loja sira ne’ebe besik.

Entertantu, nia mos hato’o agradese ba empreza timoran sira ne’ebe iha espiritu no vontade tomak, kria rasik industria iha rai laran, hodi diversifika produtu lokal organiku ho valor ekonomia ne’ebe as.