𝐒𝐄𝐑𝐈𝐌Ó𝐍𝐈𝐀 𝐀𝐁𝐄𝐑𝐓𝐔𝐑𝐀 𝐒𝐈𝐌𝐄𝐈𝐑𝐀 𝐍𝐄𝐆Ó𝐒𝐈𝐔 𝐍𝐎 𝐈𝐍𝐕𝐄𝐒𝐓𝐈𝐌𝐄𝐍𝐓𝐔 𝐗𝐈𝐍𝐀-𝐀𝐒𝐄𝐀𝐍 𝐁𝐀 𝐃𝐀𝐋𝐀-𝟐𝟐
𝙉𝙖𝙣𝙣𝙞𝙣𝙜, 𝙂𝙪𝙖𝙣𝙜𝙭𝙞, 17 𝙎𝙚𝙩𝙚𝙢𝙗𝙧𝙤 2025- Ministru Komérsiu no Indústria Sr. Nino Pereira partisipa iha abertura Simeira Negósiu no Investimentu Xina-ASEAN ba dala-22 iha Nanning, Guangxi, Repúblika Popular Xina.
Expo Xina-ASEAN ba dala-22 ho tema "Intelijénsia Dijitál Hakbiit Dezenvolvimentu, Inovasaun Lidera Futuru - Aproveita Oportunidade Foun sira hosi CAFTA V3.0 hodi harii komunidade ida ho futuru".
Lider sira hanesan Vise Prezidente Repúblika Populár Xina Han Zheng,Primeiru-Ministru Myanmar U Nyo Saw, Vise-Prezidente Lao Bounthong Chitmany, Vise-Primeiru-Ministru Kamboja no Ministru Gabinete Vongsey Vissoth, Vise-Primeiru-Ministru Malázia no Ministru Tranzisaun Enerjétika no Transformasaun Bee Fadillah, no Vise-Primeiru-Ministru Vietname Mai Van Chinh hato'o diskursu sira respetivamente. Yan Dong, Vise-Ministru Komérsiu Xina Ren Hongbin, Prezidente Konsellu Xina ba Promosaun Komérsiu Internasionál, Chen Gang, Sekretáriu Komité Partidu Rejiaun Autónoma Guangxi Zhuang nian, hato'o diskursu benvindu nian nomos Sekretáriu-Jerál ASEAN, Kao Kim Hourn.
Parte hotu-hotu subliña nesesidade atu hasa'e sinerjia entre estratéjia dezenvolvimentu hodi avansa hamutuk ba implementasaun inisiativa ba dezenvolvimentu globál, inisiativa seguransa globál, inisiativa sivilizasaun globál, no inisiativa governasaun globál.
Komunidade ho futuru ne'ebé fahe; hametin kooperasaun iha kampu emerjente sira, foka ba, ekonomia dijitál, dezenvolvimentu verde, no forsa produtiva foun sira seluk ho kualidade, no injeta momentum foun iha dezenvolvimentu ekonómiku rejionál; habelar kooperasaun ekonómika no komérsiu, hamutuk harii CAFTA v3.0, no harii kadeia industriál no fornesimentu transfronteirisu ne'ebé estável hodi kontribui enerjia pozitivu ba globalizasaun ekonómika
Parte hotu-hotu konkorda katak interkámbiu ema-ba-ema maka krusiál ba estabilidade amizade Xina-ASEAN nian iha tempu naruk. Xina husu atu iha interkámbiu kulturál, turizmu, juventude no edukasionál ne'ebé klean liután hodi promove komprensaun mútua, afinidade no integrasaun.
Serimónia abertura ne'e partisipa hosi partisipante liu 1,200, inklui Ministru sira, enviadu diplomátiku sira, líder sira governu lokál nian, xefe sira hosi kámara komérsiu no asosiasaun sira, reprezentante hosi organizasaun internasionál sira, emprezáriu sira, no matenek-na'in sira.
