𝐌𝐢𝐧𝐢𝐬𝐭𝐫𝐮 𝐧𝐨 𝐕𝐢𝐬𝐞 𝐏𝐚𝐫𝐭𝐢𝐬𝐢𝐩𝐚 𝐊𝐨𝐧𝐬𝐮𝐥𝐭𝐚𝐬𝐚𝐮𝐧 𝐀𝐄𝐌-𝐇𝐨𝐧𝐠 𝐊𝐨𝐧𝐠, 𝐗𝐢𝐧𝐚

Kuala-Lumpur, 27 Setembru 2025

Eselensia Ministru no Vise Ministru Komersiu no Industria, 𝑺𝒓. 𝑵𝒊𝒏𝒐 𝑷𝒆𝒓𝒆𝒊𝒓𝒂 𝒏𝒐 𝑺𝒓. 𝑨𝒖𝒈𝒖𝒔𝒕𝒐 𝑱𝒖𝒏𝒊𝒐𝒓 𝑻𝒓𝒊𝒏𝒅𝒂𝒅𝒆, akompania mós Diretur Nasionál Komérsiu Externu ho delegasaun partisipa iha Konsulta AEM-Hong Kong, Xina, ne'ebé hala'o iha Kuala Lumpur, Malazia, Sesta, 26/09.

Sorumutu ne'e ko'alia kona-ba progresu implementasaun ASEAN-Hong Kong, Xina FTA (AHKFTA) no ASEAN-Hong Kong, Akordu Investimentu Xina (AHKIA). Sorumutuk ne'e hein katak sei asina sedu Protokolu Primeiru ba Alterasaun AHKIA.

Sorumutu ne'e mós kongratula ho estensaun dahuluk husi Programa Servisu Kooperasaun Ekonomika no Teknika AHKFTA (ECOTECH) ba tinan 2025-2029 hodi kontinua hakle'an liután integrasaun no kolaborasaun ekonómika husi Parte AHKFTA hotu-hotu.

Sorumutu ne’e preside husi Ministru Investimentu, Komersiu no Industria, Tengku Datuk Seri 𝒁𝒂𝒇𝒓𝒖𝒍 𝑨𝒃𝒅𝒖𝒍 𝑨𝒛𝒊𝒛, partisipa mós husi Sekretáriu-Jeral ASEAN, 𝑫𝒓. 𝑲𝒂𝒐 𝑲𝒊𝒎 𝑯𝒐𝒖𝒓𝒏, no reprejenta estadu membru ASEAN inklui Timor-Leste hanesan observador.