𝐆𝐨𝐯𝐞𝐫𝐧𝐮 𝐡𝐨 𝐏𝐚𝐫𝐥𝐚𝐦𝐞𝐧𝐭𝐮 𝐍𝐚𝐬𝐢𝐨𝐧𝐚́𝐥, 𝐥𝐢𝐮 𝐡𝐮𝐬𝐢 𝐤𝐨𝐦𝐢𝐬𝐚𝐮𝐧 𝐀, 𝐝𝐢𝐬𝐤𝐮𝐭𝐞 𝐏𝐫𝐨𝐩𝐨𝐬𝐭𝐚 𝐋𝐞𝐢 𝐊𝐨́𝐝𝐢𝐠𝐮 𝐑𝐞𝐤𝐮𝐩𝐞𝐫𝐚𝐬𝐚𝐮𝐧 𝐧𝐨 𝐈𝐧𝐬𝐨𝐥𝐯𝐞́𝐧𝐬𝐢𝐚

Aileu, 02 Outubru 2025

Eselensia Vise-Ministru Komérsiu no Industria, 𝑺𝒓. 𝑨𝒖𝒈𝒖𝒔𝒕𝒐 𝑱𝒖𝒏𝒊𝒐𝒓 𝑻𝒓𝒊𝒏𝒅𝒂𝒅𝒆, reprezenta IX Governu Konstitusionál, kontinua partisipa iha diskusaun espesialidade ba Proposta Lei Nú.13/VI (2ª) kona-ba Kódigu Rekuperasaun no Insolvénsia, iha Salaun Mukit Aisirimou, Munisípiu Aileu.

Objetivu prinisipál husi Proposta Lei kona-ba Kódigu Rekuperasaun no Insolvénsia maka, estabelese kuadru legál klaru no funsionál atu regula situasaun krize finanseira empreza no partikulár sira nian, hodi asegura resposta ekilibrada entre protesaun direitu kredór sira nian no posibilidade ba rekuperasaun devedór viável sira nian.

Proposta Lei ne'e hamutuk Artigu atus rua resin no durante diskusaun pasa ona artigu atus ida neen nulu resin no sei kontinua loron tuir mai to'o finaliza.

Diskusaun ba espesialidade ne'e derize husi Prezidente Komisaun A, trata Asuntu Konstitusionál no Justisa, Señór Deputadu, Patrosino Fernandes, partisipa husi membru komisaun A, no Banco Centrál Timor-Leste.

Entretantu diskusaun ba espesialidade ne'e, tuir kalendáriu husi Komisaun A Parlamentu Nasionál, sei kontinua durante loron tolu iha semana ne'e, no kada semana loron tolu husi Kuarta to'o Sexta-Feira, kontinua halo diskusaun apresia no aprova artigu sira ne'ebé seidauk konklui.