Diretór DNADMPME sai oradór iha Semináriu Nasionál kona-ba Haforsu feto sobrevivente sira liuhusi Empoderamentu Ekonomia ba Futuru Sustentável

Dili, 09 Outubru 2025

Ministériu Komérsiu no Indústria (MCI), reprezenta husi Diretór Diresaun Nasionál Apoiu Dezenvolvimentu Mikro Pekena no Média Emprenza (DNADMPME), Sr. Reinaldo Borges, sai orador prinsipál iha Semináriu Nasionál, ne’ebé organiza husi Asosiasaun Chega Ba Ita (AcbiT).

Iha oportunidade ne’e, Diretór Reinaldo Borges aprezenta polítika no programa MCI hodi hametin partisipasaun feto iha dezenvolvimentu ekonómiku, liuhusi empoderamentu feto sira iha áreas rurais.

Liután, Diretór ne’e enkoraja negósiante ki’ik sira atu rejistu sira-nia negósiu tuir prosedimentu legál, hodi fasilita kooperasaun ho Governu no parseiru sira fó apoiu, nune’e kontribui no dezenvolve di’ak liután ita-boot sira nia negósiu.