𝐒𝐄𝐑𝐈𝐌Ó𝐍𝐈𝐀 𝐀𝐒𝐈𝐍𝐀𝐓𝐔𝐑𝐀 𝐀𝐊𝐎𝐑𝐃𝐔 𝐓𝐑𝐀𝐍𝐒𝐅𝐄𝐑𝐄𝐍𝐒𝐈𝐀 𝐏𝐔𝐈𝐁𝐋𝐈𝐊𝐀 𝐄𝐍𝐓𝐑𝐄 𝐄𝐌𝐏𝐑𝐄𝐙𝐀 𝐁𝐄𝐍𝐄𝐅𝐈𝐒𝐈Á𝐑𝐈𝐔 𝐊𝐍𝐈 𝐕 𝐇𝐎 𝐌𝐂𝐈
𝘿𝙞𝙡𝙞,21 𝙊𝙪𝙩𝙤𝙗𝙧𝙪 2025-Ministériu Komérsiu no Indústria (MKI) hamutuk ho Empreza Benefisiáriu KNI V, asina akordu kona-ba transferénsia publika ho tema “Promove Diversifikasaun Ekonomia no Inovasaun Hodi Hakbi’it no Garante Sustentabilidade liuhusi Suporta Mikro Pekena no Média Empreza”. Iha Salaun MCI Mandarin Dili.
Programa ida ne’e parseria entre governu liuhusi Ministériu Komérsiu no Indústria, no UNDP ho KOICA, liuhusi projetu, 𝘈𝘱𝘰𝘪𝘶 𝘈𝘣𝘪𝘭𝘪𝘥𝘢𝘥𝘦 𝘌𝘮𝘱𝘳𝘦𝘨𝘶 𝘕𝘰 𝘌𝘮𝘱𝘳𝘦𝘯𝘥𝘦𝘥𝘰𝘳𝘪𝘻𝘮𝘶 𝘍𝘰𝘪𝘯𝘴𝘢’𝘦 (YEES Project).
Objetivu hosi asina akordu ne’e, atu fo oportunidade no eleva foinsa’e sira hodi explora sira nia potensia iha área negósiu, hodi kontribui ba kresimentu ekonómia Timor-Leste, no hasa’e númeru emprezáriu foinsa’e sira, iha área Mikro, Pekena no Media Empreza nian.
Ministru Komérsiu no Indústria Sr. Nino Pereira iha nia diskursu hateten, kompetisaun negósiu inovativu ne'e atu hamoris no promove emprezáriu foun sira hodi bele hamrik metin nomos kria kampu servisu ba sira nia-an no ba ema seluk, hodi atinji dezenvolvimentu sustentavel.
“Programa ida ne’e importante tebes ba ita, hodi promove ita nia setór privadu sira, liu-liu ba mikro pekena no média emprezas, hodi bele forte no hametin liu-tan kresimentu ekonómia sustentavel kona-ba diversifikasaun ekonómiku kriasaun empregu, diversífika ita nia negosiu, diversífika ita nia produtu, hahu kedas husi KNI I ba to’o iha tinan ida ne’e nian, KNI V, ita produs ona emprezariu foun sira no emprezáriu Joven sira, ida ne’e hamosu orgullu bo’ot ida ba esforsu hotu ne’ebe maka ita bo’ot sira halo, husi esforsu rasik”._Dehan Ministru MCI.
Iha fatin hanesan Komisariu Nasional Anti-Korupsaun, Sr. Rui Pereira dos Santos hateten, husu ba emprezariu sira ne’ebe hetan subvensaun atu ezekuta osan ho diak no tenki iha relatoriu. Ita hotu iha lei nia okos bainhira ita ezekuta la tuir Planu husi subvensaun mak sei ba hatan iha KAK”.
“Ministériu iha responsabilidade hodi tau matan ba emprezáriu sira, tamba ne’e maka atividade inovativu ne’e halo selesaun hodi promove transparénsia hodi envolve ema hotu.”_Dehan DG Finansas (MF), Sra. Regina de Jesus de Sousa.
Serimónia partisipa husi, S.E. Ministru Komérsiu no Indústria Sr. Nino Pereira, representante UNDP, Komisáriu CAC, Sr. Rui Pereira dos Santos, Diretóra Gerál Finansas (MF), Sra. Regina de Jesus de Sousa no mós Kargu Xefia sira.
