𝐋𝐚𝐧𝐬𝐚𝐦𝐞𝐧𝐭𝐮 𝐌𝐂𝐈 𝐀𝐰𝐚𝐫𝐝 𝟐𝟎𝟐𝟓; 𝐈𝐧𝐨𝐯𝐚𝐬𝐚𝐮𝐧 𝐁𝐚 𝐊𝐫𝐞𝐬𝐢𝐦𝐞𝐧𝐭𝐮 𝐧𝐨 𝐑𝐞𝐳𝐢𝐥𝐢é𝐧𝐬𝐢𝐚 𝐄𝐤𝐨𝐧ó𝐦𝐢𝐚

𝘿𝙞𝙡𝙞,21 𝙊𝙪𝙩𝙤𝙗𝙧𝙪 2025

Ministru Komérsiu no Indústria, Sr. Nino Pereira, ohin halo lansamentu ba MCI Award 2025, ho tema “Inovasaun ba Kresimentu no Reziliensia Ekonomia”, hodi fó énfase ba inovasaun emprezarial hanesan estratéjia atu impulsiona kresimentu no reziliénsia ekonómika iha Timor-Leste, liuliu ba mikro, pekena no media empreza sira.

Programa MCI Award 2025, hanesan programa prestojiozu ne’ebe hatudu valorizasaun ba kontribuisaun inovativu, kreativu, no fó impaktu positivu ba diversifikasaun ekonomia nomos promosaun hodi dezenvolve setór produtu sira iha área komérsiu no indústria iha Timor-Leste.

Iha diskursu Ministru Nino hateten, Lansamentu MCI Award 2025 hanesan, rekoñesimentu ba servisu ne’ebe mikro pekena no media empreza sira hatudu liuhusi kontribuisaun ekonomia.

“Ita tenki prepara didiak ita nia setór informal, hodi fortifika nafatin sira nia ezisténsia liuhusi dalan formal, tenki rezistu ho klasifikasaun, ba empreza ki’ik no media sira husi tipu negósiu, nomos sira nia kapital, atu nune’e ita bele hatene númeru traballador hodi klasifika ba mikro pekena no media empreza, hodi fo rekoñesimentu no motiva, estimula nafatin MPME hanesan Parte integrante ida ba dezenvolvimentu ekonomia hodi bele mantein no tuir politika IX governu konstitusional nian.”_Ministru Nino Pereira iha Diskurso.

Serimónia ne’e realiza iha Salaun Auditoria MCI, Fomentu Mandarin Dili, no partisipa husi Prezidente Banku Nasional komérsiu Timor-Leste, Reprezentante husi liña Ministerial, Kargu Xefia sira nomos Funsionáriu.