𝐇𝐚𝐟𝐨𝐢𝐧 𝐒𝐚𝐢 𝐒𝐚𝐬𝐢𝐧 𝐛𝐚 𝐓𝐢𝐦𝐨𝐫-𝐋𝐞𝐬𝐭𝐞 𝐍𝐢𝐚 𝐀𝐝𝐞𝐳𝐚𝐮𝐧 𝐛𝐚 𝐀𝐒𝐄𝐀𝐍, 𝐎𝐡𝐢𝐧 𝐒.𝐄. 𝐏𝐫𝐢𝐦𝐞𝐢𝐫𝐮 𝐌𝐢𝐧𝐢𝐬𝐭𝐫𝐮 𝐊𝐚𝐲 𝐑𝐚𝐥𝐚 𝐗𝐚𝐧𝐚𝐧𝐚 𝐆𝐮𝐬𝐦ã𝐨 𝐓𝐨 𝐇𝐢𝐤𝐚𝐬 𝐎𝐧𝐚 𝐓𝐢𝐦𝐨𝐫

𝘿𝙞𝙡𝙞, 29 𝙊𝙪𝙩𝙪𝙗𝙧𝙤 2025

Ministru Komérsiu no Indústria Sr.Nino Pereira hamutuk ho Vise-PM Koodenador asuntu Sociais, ho Membru Governu sira, simu xegada S.E Primeiru Ministru Kay Rala Xanana Gusmão hafoin partisipa iha SIMERIA ASEAN ba-47 nomos ofisializa adezaun Timor-Leste ba membro 11 ASEAN.

Adezaun plena Timor-Leste nian ba ASEAN reprezenta marku istóriku ida no rezultadu hosi esforsu konjuntu instituisaun sira Estadu nian no povu timoroan, ne'ebé, hahú hosi restaurasaun independénsia, serbisu ho determinasaun hodi alkansa objetivu estratéjiku ida-ne'e.

Integrasaun ida-ne'e reforsa kompromisu nasionál ba valór demokrasia, soberania no kooperasaun rejionál, hodi loke oportunidade foun sira dezenvolvimentu ekonómiku, investimentu, komérsiu, edukasaun, juventude no teknolojia.