𝐒𝐄𝐍Á𝐑𝐈𝐔 𝐀𝐕𝐀𝐋𝐈𝐀𝐒𝐀𝐔𝐍 𝐏𝐄𝐃 𝟐𝟎𝟏𝟏-𝟐𝟎𝟑𝟎 𝐍𝐎 𝐅𝐎𝐑𝐌𝐔𝐋𝐀𝐒𝐀𝐔𝐍 𝐁𝐀 𝐏𝐓𝐌 𝟐𝟎𝟐𝟔-𝟐𝟎𝟑𝟓

Dili, 30 Outubro 2025

Ministru Komérsiu Indústria Sr. Nino Pereira partisipa iha workshop planeamentu senáriu ba avaliasaun planu estratéjiku dezenvolvimentu 2011-2030 no preparasaun planu dezenvolvimentu médiu prazu (MTP) 2026-2035, ne’ebe organiza husi Ministériu Planeamentu no Investimentu Estratéjiku (MPIE), iha salaun JL World Hotel, Cristo Rei, Dili.

Workshop ne’e halibur Membru Governu, direjente husi liña ministeriais, parseiru dezenvolvimentu, peritu nasionál no internasionál sira, hodi esplora motor prinsipál ba mudansa ne’ebé forma ona trajetória ba dezenvolvimentu Timor-Leste, hodi hamosu senáriu sira iha futuru ne’ebé plausivel, hodi reflete ba progresu iha ámbitu planu dezenvolvimentu nasionál 2011–2030 nomos esplora senáriu estratéjiku ne’ebé prepara ba planu dezenvolvimentu médiu prazu (PMP) 2026-2035.

Inisiativa ne'e hakarak asegura tranzisaun ida ne'ebé koerente entre siklu planeamentu rua, aliña ho prioridade nasionál sira ho objetivu dezenvolvimentu sustentável ba integrasaun rejionál, no dezafiu sira ne'ebé mosu hosi ekonomia dijitál no reziliénsia klimátika.