𝐄𝐧𝐬𝐞𝐫𝐚𝐦𝐞𝐧𝐭𝐨 𝐅𝐞𝐢𝐫𝐚 𝐁𝐚𝐳𝐚𝐫 𝐁𝐚𝐫𝐚𝐭𝐮

𝘽𝙖𝙪𝙘𝙖𝙪, 11 𝙉𝙤𝙫𝙚𝙢𝙗𝙧𝙪 2025

Ministru Komérsiu no Indústria Sr. Nino Pereira ohin halo enseramentu ba feira bazar baratu, ne’ebe organiza husi Ministériu Komérsiu no Indústria(MCI) hamutuk ho Autoridade lokal sira, iha Suku Soba no Suku Tekinomata, Posto-administativo Laga, munispiu Baucau ne’ebe la’o durante loron 5.

Feira Bazar ne’e baratu destaka inisiativa nia knaar hodi apoia família sira ho folin baratu no hametin emprezáriu lokál ki’ik sira.

Ministru Komérsiu no Indústria Nino Pereira, liu-husi lian benvindu hateten, feira ne’e ho intensaun atu kontinua hakbiit komunidade sira, hodi asesu ba iha produto hirak ne’ebe ho folin asesivel.

“ MCI hamutuk ho autoridade lokal sira, organiza feira bazar baratu ne’e ho intensaun atu kontinua hakbi’it ita nia komunidade sira, atu asesu ba iha produtos, laos deit produto rai laran, maibe produto sira ne’ebe maka durante ne’e ita importa hela,”_hateten Ministru MCI

Ministru Nino subliña liután katak, bazar baratu ne’e halo parte iha estratéjia nasionál atu hametin Timor-Leste nia soberania ai-han no ekonómika, hodi garante katak dezenvolvimentu ne’e inkluzivu no to’o ba munisípiu hotu-hotu.

Feira Bazar baratu ne’e realiza hodi selebra komemorasaun loron 12 Novembru 2025, Iha loron ikus enseramentu ne’e partisipa husi Komadante BOP, Komadante Eskuarda, konvidado nomos komunidade sira.