𝐎𝐉𝐄 𝟐𝟎𝟐𝟔 𝐁𝐚 𝐌𝐂𝐈 𝐀𝐏𝐑𝐎𝐕𝐀𝐃𝐔 𝐈𝐇𝐀 𝐄𝐒𝐏𝐄𝐒𝐈𝐀𝐋𝐈𝐃𝐀𝐃𝐄

𝘿𝙄𝙇𝙄, 18 𝙉𝙤𝙫𝙚𝙢𝙗𝙧𝙪 2025

Orsamentu Jerál Estadu (OJE) tinan fiskál 2026 bá Ministériu Komérsiu no Indústria(MCI) ho totál submisaun $8,384,463.00 aprova ona ho votus a favór 43, kontra 2 no abstensaun 20, iha debate faze espesialidade loron da-haat parte lorokraik, tersa-feira (18/11/2025).

Orsamentu ne’e fahe bá kategoria Saláriu no Vensimentu $3,559,616.00; Bens no Servisus Rekorrentes $4,554,847.00; Kapitál Menór $60,000.00; no Kapital Dezenvolvimentu $210,000.00.

Ne'ebe mak distribui husi Ministério das Finanças (MdF). Husi orsamentu ne'ebé atribuidu, Ministériu Komérsiu no Indústria aloka hodi finansia ba Programa 2, Subprograma 10, no Atividades 39 ne'ebé mak prioridades iha setór komérsiu no indústria, nomos funsionamentu no dezenvolvimentu institusional hodi suporta nesesidades mákina ministériu nian.

Debate espesialidade ne’e lidera hosi Prezidente Parlamentu Nasionál, Maria Fernanda Lay no partisipa hosi Primeiru-Ministru (PM), Kay Rala Xanana Gusmão, VPM 1, VPM 2, membru Governu sira inklui entidade relevante seluk.

OJE tinan 2026 reflete kompromisu Governu nian atu hasa’e kreximentu sustentável no inkluzivu, hodi fó benefísiu ba sidadaun hotu iha Timor-Leste.