𝐕𝐢𝐬𝐞-𝐌𝐢𝐧𝐢𝐬𝐭𝐫𝐮 𝐊𝐨𝐦𝐞́𝐫𝐬𝐢𝐮 𝐧𝐨 𝐈𝐧𝐝𝐮𝐬𝐭𝐫𝐢𝐚 𝐕𝐢𝐳𝐢𝐭𝐚 𝐅𝐚𝐭𝐢𝐧 𝐊𝐨𝐧𝐬𝐭𝐫𝐮𝐬𝐚𝐮𝐧 𝐁𝐚 𝐈𝐧𝐝𝐮𝐬𝐭𝐫𝐢𝐚 𝐌𝐚𝐬𝐢𝐧 𝐈𝐡𝐚 𝐑𝐀𝐄𝐎𝐀

Oe-Cusse, 18 Novembru 2025

Eselensia Vise-Ministru Komérsiu no Industria, 𝑺𝒓. 𝑨𝒖𝒈𝒖𝒔𝒕𝒐 𝑱𝒖𝒏𝒊𝒐𝒓 𝑻𝒓𝒊𝒏𝒅𝒂𝒅𝒆, akomapaña husi Diretur Rejionál, Sr. Orlando Kelu, vizita fatin konstrusaun ba industria masin iha, Lagoa Maesmone, lokaliza iha aldeia Makelap, Suku Taiboko, Sub-rejiaun Pante-Makasar, Rejiaun Administrativu Espesial Oe-Cusse Ambeno (RAEOA), tersa-feira, 18/11/2025.

Iha vizita ne'e Vise-Ministru Komérsiu no Industria, husu komunidade sira koopera ho kompaña ne'ebé halo instalasaun ba fatin produsaun masin, tanba masin hanesan material primaria importante ne'ebé merkadu presiza loron loron no bele transforma komunidade sira nia moris iha suku Taiboko.

Iha observasaun fatin produsaun masin iha ona prosesu konstrusaun nia laran, husi komunidade no kompaña sira no trabalador hamutuk na'in 20 mak halo servisu konstrusaun industria masin.