𝐌𝐂𝐈 𝐇𝐚𝐥𝐚’𝐨 𝐄𝐧𝐤𝐨𝐧𝐭𝐫𝐮 𝐇𝐚𝐦𝐮𝐭𝐮𝐤 𝐡𝐨 𝐒𝐞𝐭𝐨𝐫 𝐏𝐫𝐢𝐯𝐚𝐝𝐮 𝐀𝐭𝐮 𝐏𝐚𝐫𝐭𝐢𝐬𝐢𝐩𝐚 𝐊𝐨𝐦𝐞𝐦𝐨𝐫𝐚 𝐋𝐨𝐫𝐨𝐧 𝐏𝐫𝐨𝐤𝐥𝐚𝐦𝐚𝐬𝐚𝐮𝐧 𝐈𝐧𝐝𝐞𝐩𝐞𝐧𝐝é𝐧𝐬𝐢𝐚 𝟐𝟖 𝐍𝐨𝐯𝐞𝐦𝐛𝐫𝐮 𝟐𝟎𝟐𝟓

𝘿í𝙡𝙞, 20 𝙉𝙤𝙫𝙚𝙢𝙗𝙧𝙪 2025

Ministériu Komérsiu no Indústria (MCI), liu husi Direksaun Nasionál Marketing, hala’o enkontru importante ho setor privadu sira iha Timor-Leste, hodi partisipa preparasaun ba feira komemorasaun loron Proklamasaun Independénsia iha loron 28 Novembru 2025 ne’ebe realiza iha Tasitolu. Iha salaun reuniaun MCI, Fomentu Bebora Dili.

Enkontru ne’e hodi fó oportunidade ba partisipante sira atu diskute kontribuisaun no partisipasaun setor privadu iha festividade nasional ne’ebe diskusaun fó enfáse ba kolaborasaun efikaz entre governu no setor privadu atu hatudu solidariedade nasional promove produtu lokál, no sustenta ekonomia Timor-Leste.

“Setor privadu iha papel importante, dezenvolvimentu nasionál ba komemorasaun loron proklamasaun la'ós deit momentu historiku, maibé oportunidade atu hamutuk fó valor ba produtu no servisu lokal.”

Ministériu Komérsiu no Indústria kontinua fó prioridade ba parserias estratéjiku ho setor privadu, hodi bele aumenta inovasaun, kria empregu, no fó motivasaun ba emprendedór sira iha Timor-Leste.